IndvsSA 2nd Test : முதல்நாள் ஆட்டத்தில் இந்தியா 3 விக்கெட் இழப்புக்கு 273 ரன்கள்

0 222

தென்னாப்பிரிக்காவுக்கு எதிரான இரண்டாவது கிரிக்கெட் டெஸ்ட் போட்டியில் இந்திய அணி முதல் நாள் ஆட்டத்தில் 3 விக்கெட் இழப்பிற்கு 273 ரன்கள் எடுத்து வலுவான நிலையில் உள்ளது.

இந்தியா- தென்ஆப்பிரிக்கா அணிகள் மோதும் டெஸ்ட் கிரிக்கெட் போட்டி நடைபெற்று வருகிறது. முதல் டெஸ்ட் போட்டியில் இந்திய அணி அபார வெற்றி பெற்றது.

இரு அணிகளுக்கும் இடையேயான 2வது டெஸ்ட் கிரிக்கெட் போட்டி புனேயில் நேற்று தொடங்கியது. டாஸ் வென்ற இந்திய அணியின் கேப்டன் விராட் கோலி முதலில் பேட்டிங்கைத் தேர்வு செய்தார். இதை அடுத்து ரோகித் சர்மாவும், மயங்க் அகர்வாலும் தொடக்க ஆட்டக்காரர்களாகக் களமிறங்கினர்.

கடந்த ஆட்டத்தில் இரு இன்னிங்சிலும் சதம் அடித்து அசத்திய ரோகித் சர்மா இந்த போட்டியில் 14 ரன்னில் ஆட்டமிழந்து ரசிகர்களை ஏமாற்றினார். இதை அடுத்து, மயங்க் அகர்வாலுடன் ஜோடி சேர்ந்த புஜாரா நிதானமாக ஆடி ரன் சேர்த்தனர். அரை சதம் கடந்த புஜாரா, ரபாடா பந்துவீச்சில் ஆட்டமிழந்தார்.

பின்னர் கேப்டன் விராட் கோலி களமிறங்கினார். அவருடன் சேர்ந்து பொறுமையாக ஆடிய மயங்க் அகர்வால் சதம் அடித்து அசத்தினார்.

108 ரன்கள் எடுத்திருந்த அவரையும் ரபாடா அவுட்டாக்கினார். முதல் நாள் ஆட்ட நேர முடிவில் இந்திய அணி 3 விக்கெட் இழப்பிற்கு 273 ரன்கள் சேர்த்தது. விராட் கோலி 63 ரன்களுடனும், ரஹானே 18 ரன்களுடனும் களத்தில் உள்ளனர். இன்று இரு அணிகளுக்கு இடையே 2வது நாள் ஆட்டம் நடக்கிறது. 

SHARE
RELATED POSTS
Click to comment
LEAVE COMMENT
SUBMIT

Comments