மறைந்த முன்னாள் முதல் அமைச்சர் காமராஜர், குளிர்சாதன வசதி இல்லாமல் தூங்க மாட்டார் என்றும் உயிர் போவதற்கு முன்பு, அப்போதைய தமிழக முதல் அமைச்சர் கருணாநிதியின் கைகளை பிடித்துக் கொண்டு “ நாட்டையும் ஜன நாயகத்தையும் காப்பாற்ற கூறியதாகவும் திருச்சி சிவா எம்.பி பேசி உள்ளார்.

சென்னை பெரம்பூரில் நடந்த திமுக பொதுக்கூட்டத்தில் பங்கேற்ற திருச்சி சிவா எம்.பி, காமராஜர் குறித்து பேசினார்.

காமராஜருக்கு குளிர்சாதன வசதி இல்லாமல் தூங்க முடியாது என்றும், அதனால் தான் , தமிழகத்தில் உள்ள அனைத்து அரசு பயணியர் விடுதியிலும் திமுக ஆட்சிக்காலத்தில் குளிர்சாதன வசதி அமைக்க உத்தரவிட்டதாக கலைஞர் கருணாநிதி தன்னிடம் கூறியதாக திருச்சி சிவா எம்பி பேசினார்

“வைரவா அந்த விளக்கை அணை” என்று உதவியாளரிடம் கூறி விட்டு படுக்க சென்ற காமராசரின் உயிர் பிரிந்தது என்பதே அனைவரும் அறிந்த செய்தி. இந்த நிலையில் கலைஞரின் பெருந்தன்மையை பார்த்து நெகிழ்ந்து போன காமராஜர், உயிர் போவதற்கு முன்பு, அப்போதைய தமிழக முதல் அமைச்சர் கருணாநிதியின் கைகளை பிடித்துக் கொண்டு “ நாட்டையும் ஜன நாயகத்தையும் நீங்கள் தான் காப்பாற்ற வேண்டும்” என்று கூறியதாகவும் திருச்சி சிவா கூறினார்

திருச்சி சிவாவின் இந்த பேச்சுக்கு திருச்சி வேலுச்சாமி கடும் கணடனத்தை பதிவு செய்துள்ளார்.அவரது இந்த பேச்சுக்கு சமூக வலை தளங்களிலும் கடுமையான விமர்சனம் எழுந்துள்ளது.