திருவண்ணாமலை - அதிகாலை 4 மணிக்கு பரணி தீபம் ஏற்றப்பட்டது

0 2707
திருவண்ணாமலையில் கார்த்திகை திருவிழாவின் சிகர நிகழ்ச்சியான மகா தீபத்தை முன்னிட்டு இன்று அதிகாலை 4 மணிக்கு கோவில் வளாகத்தில் பரணி தீபம் ஏற்றப்பட்டது.

திருவண்ணாமலையில் கார்த்திகை திருவிழாவின் சிகர நிகழ்ச்சியான மகா தீபத்தை முன்னிட்டு இன்று அதிகாலை 4 மணிக்கு கோவில் வளாகத்தில் பரணி தீபம் ஏற்றப்பட்டது.

திருவண்ணாமலை அருணாசலேஸ்வரர் கோவில் கார்த்திகை தீப திருவிழா கடந்த 20-ந் தேதி கொடியேற்றத்துடன் தொடங்கி நடைபெற்று வருகிறது. திருவிழாவின் சிகர விழாவான மகா தீபம் இன்று மாலை 6 மணிக்கு ஏற்றி வைக்கப்படுகிறது. இதையொட்டி இன்று அதிகாலை 4 மணியளவில் கோவில் வளாகத்தில் பரணி தீபம் ஏற்றப்பட்டது.

மகா தீபம் ஏற்றுவதற்காக 6 அடி உயரமுள்ள பஞ்சலோகத்தால் செய்யப்பட்டு அர்த்தநாதரீஸ்வரர் உருவம் பதிக்கப்பட்ட தீப கொப்பறை பூஜை செய்யப்பட்டு பக்தர்களால் நேற்று தூக்கிச் செல்லப்பட்டது.

3500 கிலோ ஆவின் நெய்யும், திரியாக பயன்படுத்த ஆயிரம் மீட்டர் நீள காட்டன் துணியும் தயாராக வைக்கப்பட்டுள்ளது. மலை உச்சிக்கு இன்று அவற்றை எடுத்து செல்ல திட்டமிடப்பட்டுள்ளது.

கொரோனா பரவல் தடுப்பு நடவடிக்கையாக, ஊரடங்கு உத்தரவு அமலில் உள்ளதால் இன்று வெளியூர் பக்தர்கள் கோவிலில் சாமி தரிசனம் செய்ய தடை விதிக்கப்பட்டுள்ளது.

கிரிவலம் செல்லவும் தடை விதிக்கப்பட்டு உள்ளது. வெளியூர் பக்தர்கள் வருகையை தடுக்க 15 இடங்களில் சோதனை சாவடிகள் அமைத்து, போலீசார் கண்காணித்து வருகிறார்கள். மேலும் கோவில் வளாகத்தில் ஏராளமான போலீசார் பாதுகாப்பு பணியில் ஈடுபட்டு உள்ளனர்.

செய்தியாளர்களிடம் பேசிய மாவட்ட ஆட்சியர் சந்தீப் நந்தூரி, கோயிலுக்கு இன்றும், நாளையும் பக்தர்கள் வர தடை விதிக்கப்பட்டிருப்பதாகவும், திருவண்ணாமலையில் 3 ஆயிரம் போலீசார் பாதுகாப்பு பணியில் ஈடுபட்டுள்ளதாகவும் கூறினார். கொரோனா பரவல் அச்சுறுத்தல் இருப்பதால், மகா தீபத்தை வீட்டில் இருந்தபடியே தொலைக்காட்சிகள், யூடியூப் மூலம் பக்தர்கள் தரிசனம் செய்யும்படியும் அவர் கேட்டுக் கொண்டார்.

SHARE
RELATED POSTS
Click to comment
LEAVE COMMENT
SUBMIT

Comments