மதுவை ஆன்லைன் மூலம் விற்க உத்தரவிடக்கோரிய மனுவை தள்ளுபடி செய்து மனுதாரருக்கு ரூ.20 ஆயிரம் அபராதம் விதித்தது உயர்நீதிமன்றம்

0 10040

டாஸ்மாக் மதுபானங்களை ஆன்லைன் மூலம் விற்க உத்தரவிடக்கோரிய மனுவை தள்ளுபடி செய்த உயர்நீதிமன்றம், மனுதாரருக்கு 20 ஆயிரம் ரூபாய் அபராதமாக விதித்துள்ளது.

இதுதொடர்பாக உயர்நீதிமன்றத்தில் வழக்கறிஞர் ராம்குமார் ஆதித்தன் என்பவர் தொடர்ந்த பொதுநல மனு இன்று விசாரணைக்கு வந்தது. அப்போது அரசு தரப்பில், மனுதாரர் தம்மை குறித்த சில தகவல்களை மறைத்துவிட்டதாக தெரிவிக்கப்பட்டது.

டாஸ்மாக் நிர்வாக நடவடிக்கைகள் குறித்து உத்தரவிட மனுதாரர் கேட்க முடியாது என்பதால் மனுவை தள்ளுபடி செய்யவேண்டும் என்றும் கோரப்பட்டது. இதையடுத்து மனுதாரர் தரப்பில் மனுவை திரும்ப பெற்றுக்கொள்வதாக தெரிவிக்கப்பட்டது.

ஆனால் மனுவை தள்ளுபடி செய்த நீதிபதிகள், 20 ஆயிரம் ரூபாய் அபராதம் விதித்து, அதை முதலமைச்சர் நிவாரண நிதியில் ஒரு வாரத்தில் செலுத்தவேண்டும் என்று உத்தரவிட்டனர்

SHARE
RELATED POSTS
Click to comment
LEAVE COMMENT
SUBMIT

Comments