இந்தியா- வங்கதேசம் போட்டித் தொடருக்கு சிக்கல்

0 418

வங்கதேச கிரிக்கெட் வாரியத்திற்கும், அந்நாட்டு வீரர்களுக்குமிடையே மோதல் ஏற்பட்டுள்ளதால், இந்தியாவுக்கு எதிரான  போட்டித் தொடரில் அவ்வணி பங்கேற்பதில் சிக்கல் உருவாகியுள்ளது.

வங்கதேச பிரிமீயர் லீக்கில் விளையாடும் ஒவ்வொரு அணியும் குறைந்தபட்சம் ஒரு லெக் ஸ்பின்னரை அணியில் வைத்திருக்கவேண்டும் என்பது உள்ளிட்ட பல்வேறு புதிய நிபந்தனைகளை வங்கதேச கிரிக்கெட் வாரியம் விதித்துள்ளதால் அந்நாட்டைச் சேர்ந்த பல வீரர்கள் கிரிக்கெட் வாரியத்தின் மீது கடும் அதிருப்தியில் உள்ளனர்.

இந்நிலையில், தங்களது 11 அம்ச கோரிக்கைகளை கிரிக்கெட் வாரியம் சரிசெய்ய முயற்சிக்கவில்லை என்றால் தாங்கள் போட்டிகளை புறக்கணிக்கவுள்ளதாக வங்கதேச டெஸ்ட் மற்றும் 20 ஓவர் கிரிக்கெட் அணியின் கேப்டன் சாகிப் அல் ஹசன் தெரிவித்துள்ளார்.

இதனால், அடுத்த மாதம் இந்தியாவுக்கு எதிராக அந்த அணி விளையாடவுள்ள டெஸ்ட் மற்றும் 20 ஓவர் போட்டிகள் திட்டமிட்டபடி நடைபெறுமா என்பதில் சந்தேகம் எழுந்துள்ளது.

SHARE
RELATED POSTS
Click to comment
LEAVE COMMENT
SUBMIT

Comments