அனைத்து அரிசி குடும்ப அட்டைகளுக்கும் 6 கேஸ் சிலிண்டர், வாசிங்மெசின், சோலார் அடுப்பு இலவசமாக வழங்கப்படும் - முதலமைச்சர்

0 3240
அனைத்து அரிசி குடும்ப அட்டைகளுக்கும் 6 கேஸ் சிலிண்டர், வாசிங்மெசின், சோலார் அடுப்பு இலவசமாக வழங்கப்படும் - முதலமைச்சர்

அனைத்து அரிசி ரேசன் கார்டுகளுக்கும் 6 சிலிண்டர், சோலார் அடுப்பு, வாஷிங் மெஷின் இலவசமாக வழங்கப்படும் என முதலமைச்சர் அறிவித்துள்ளார். ரேசன் பொருட்கள் வீடு தேடி வரும் என்றும் அவர் வாக்குறுதி அளித்துள்ளார்.

சிவகங்கை மாவட்டம் திருப்பத்தூர் தொகுதி அதிமுக வேட்பாளர் மருது அழகுராஜை ஆதரித்து முதலமைச்சர் எடப்பாடி பழனிசாமி பிரச்சாரம் மேற்கொண்டார். 

அனைத்து துறைகளிலும் அதிமுக அரசு விருதுகளை வாங்கிக் குவித்துள்ளதாகக் கூறிய முதலமைச்சர், இதுகுறித்து ஒரே மேடையில் விவாதிக்க எதிர்க்கட்சித் தலைவர் தயாரா என கேள்வி எழுப்பினார்.

அதிமுகவை சேர்ந்த அமைச்சர்கள் மீது எந்த ஒரு ஊழல் வழக்கும் தொடர முடியாது எனக் கூறிய எடப்பாடி பழனிசாமி, மடியில் கனமில்லை என்பதால் தங்களுக்கு வழியில் பயமில்லை என்றார்.

அதிமுகவின் தேர்தல் வாக்குறுதிகளை சுட்டிக்காட்டிய அவர், ஆண்டுக்கு 6 சிலிண்டர், சோலார் அடுப்பு, வாஷிங்மெஷின் உள்ளிட்டவை, அனைத்து அரிசி குடும்ப அட்டைகளுக்கும் வழங்கப்படும் என்றார்.

சிவகங்கையில் அதிமுக வேட்பாளர் செந்தில்நாதனை ஆதரித்தும், அதைத் தொடர்ந்து மானாமதுரையில் அந்த தொகுதி அதிமுக அதிமுக வேட்பாளர் நாகராஜனை ஆதரித்தும் முதலமைச்சர் எடப்பாடி பழனிசாமி பிரச்சாரம் மேற்கொண்டார்.

 

SHARE
RELATED POSTS
Click to comment
LEAVE COMMENT
SUBMIT

Comments