சிறுமிக்கு ஆபாச வீடியோ - சிக்கிய வாட்ஸ்அப் கும்பல்

0 19421
சிறுமிக்கு ஆபாச வீடியோ - சிக்கிய வாட்ஸ்அப் கும்பல்

சென்னையில் இன்ஸ்டாகிராமில் ஆபாச வீடியோக்களை அனுப்பிய நபரை கைது செய்து மேற்கொண்ட விசாரணையில், சிறுமிகளின் ஆபாச வீடியோக்களை பார்ப்பதற்கு வாட்ஸ் அப் குழு வைத்திருந்த கும்பல் சிக்கியது.

சென்னை மயிலாப்பூர் பகுதியைச் சேர்ந்த பள்ளிச் சிறுமியின் இன்ஸ்டாகிராமில், அடையாளம் தெரியாத நபர் ஆபாச வீடியோவை அனுப்பியுள்ளார்.

இது குறித்து சிறுமியின் பெற்றோர், பெண்கள் மற்றும் குழந்தைகளுக்கெதிரான குற்றத் தடுப்பு பிரிவில் புகார் அளித்தனர்.

மயிலாப்பூர் மகளிர் போலீசார் வழக்கு பதிந்து மேற்கொண்ட விசாரணையில், ஆபாச வீடியோவை அனுப்பிய ஐ.பி முகவரியை வைத்து கோட்டூர்புரம் பகுதியைச் சேர்ந்த மகேந்திரன் என்பவரை கைது செய்தனர்.

அந்த நபரின் செல்போனை ஆய்வு செய்ததில் பெண்கள் மற்றும் குழந்தைகளை ஆபாசமாக சித்தரிக்கக்கூடிய படங்கள் மற்றும் வீடியோக்கள் இருந்ததும், வாட்ஸ்ஆப் குழுவை உருவாக்கி குழந்தைகள், பெண்களின் ஆபாச வீடியோக்களை பகிர்ந்துள்ளதையும் பார்த்த போலீசார் அதிர்ச்சியடைந்தனர்.

இதையடுத்து, அந்த வாட்ஸ் அப் குழுவில் இருந்த ஒட்டு மொத்த கும்பலையும் பிடிக்க தனிப்படை அமைக்கப்பட்டது. அதன்படி, அனகாபுத்தூரைச் சேர்ந்த ஆனந்த கிருஷ்ணன், திண்டுக்கல்லைச் சேர்ந்த ராஜ்குமார் ஆகியோரை போலீசார் கைது செய்தனர்.

இவர்கள் மீது போக்சோ சட்டம், தகவல் தொழில் நுட்ப சட்டத்தின் 4 பிரிவுகள் என மொத்தம் 5 பிரிவுகளில் வழக்கு பதியப்பட்டுள்ளது. இந்த ஆபாச வாட்ஸ் அப் குழுவில் உள்ள மற்ற நபர்களையும் போலீசார் தேடி வருகின்றனர்.

இது போன்ற குற்றச்செயல்களில் வேறு நபர்கள் யாரேனும் ஈடுபட்டுள்ளனரா என்றும் இதுபோன்ற வாட்ஸ்ஆப் குழுக்கள் வேறு ஏதேனும் உள்ளதா என்றும் பல்வேறு கோணங்களில் புலன் விசாரணை நடப்பதாக போலீசார் தெரிவித்துள்ளனர். அவ்வாறு இருப்பின் சட்டப்படியான நடவடிக்கை சீறிப்பாயும் என்றும் எச்சரித்துள்ளனர்.

SHARE
RELATED POSTS
Click to comment
LEAVE COMMENT
SUBMIT

Comments