முயற்சி செய்தால் எதுவும் சாத்தியமே என்பதற்கு சிறந்த உதரணமாக, பெரும் பணக்காரர்களால் மட்டுமே வாங்க முடிகின்ற லம்போர்கினி காரை, இளைஞர் ஒருவர் தனது சொந்த முயற்சியில் உருவாக்கி இருக்கிறார். அது எப்படி சாத்தியமானது? விரிவாக பார்க்கலாம்..

லம்போகினி, இதன் பெயருக்கு ஏற்றாற்போலவே, மேல் நோக்கி திறக்கும் கதவு, பின் பக்க என்ஞ்ஜின், பவர் விண்டோ, டிஸ்பேரக் உள்ளிட்ட பல தனித்துவ வசதிகள் இந்த காரில் இருக்கின்றன.

இதன் ஆரம்ப விலை 4.57 கோடி ரூபாய் முதல் 8 கோடி ரூபாய் வரை விற்பனையாகின்றன. இதனாலேயே பெரும்பாலானோருக்கு லம்போர்கினி காரை வாங்குவது என்பது வெறும் கனவாகவே இருக்கிறது.

இந்த நிலையில் லம்போர்கினி கார் வாங்க வேண்டுமென்ற தனது கனவை, வேறு விதமாக நிஜமாக்கி உள்ளார் கேரள மாநிலத்தை சேர்ந்த பிபின் என்ற இளைஞர்.

பிபின் தனியார் நிறுவனம் ஒன்றில் தர ஆய்வாளராக பணியாற்றி வருகிறார். இவருக்கு சிறு வயதில் இருந்தே கார்கள் என்றால் அலாதி விருப்பம். ஆனால் கார் வாங்குபதற்கான பொருளாதார வசதி அவரிடம் இல்லை.

இதனால், பிபினுக்கு ஒரு கட்டத்திற்கு மேல், சொந்தமாக கார் ஒன்றை உருவாக்க வேண்டும் என ஆசை வந்தது. அதையடுத்து இணையத்தில் அதுத்தொடர்பான வீடியோக்களை பார்த்துவந்த பிபினுக்கு, லம்போர்கினி கார் போன்று அச்சு அசலாக ஒரு காரை உருவாக்க வேண்டுமென்ற எண்ணம் தோன்றியுள்ளது.

இதனையடுத்து கடந்த 3 வருடங்களாக லம்போர்கினி கார் ஒன்றை உருவாக்கும் பணியில் இறங்கி இருக்கிறார் பிபின் அலுவலகத்திற்கும் சென்று கொண்டு விடுமுறை நாட்களில் மட்டுமே காரை உருவாக்கும் பணியில் பிபின் ஈடுப்பட்டு வந்திருக்கிறார்.

மேலும் காரை உருவாக்குவதற்கான பொருளாதார நெருக்கடியும் அவர் சந்தித்துவந்திருக்கிறார். தனது நண்பர்களுடன் இணைந்து லம்போகினி காரை தற்போது வரையில் 70% லிருந்து 80% வரை உருவாக்கி உள்ளார்.

பிபின் மற்றும் அவரது குழுவினர் உருவாக்கி உள்ள இந்த காரில், சேசிஸ் (Chassis) மற்றும் Frame போன்ற அனைத்தும் லம்போகினி காரில் இருப்பது போன்று மிகவும் நுணுக்கமாக வேலைப்பாடுகள் மேற்கொள்ளப்பட்டுள்ளது.

காருக்கான ஃப்ரேமை உருவாக்க உலோகத்திலான குழாய்களை பயன்படுத்தி உள்ள பிபின், அவற்றின் மீது Cardboard தகடுகளை பொருத்தி காரின் உருவத்திற்கு கொண்டு வந்துள்ளார்.

மேலும் கார்ட்போர்டு மீது ஃபைபர்கிளாஸை பொருத்தி கண்ணாடிகளை உருவாக்கி உள்ளார். இவை பெரும்பாலும் பயன்படுத்தபடாத வீட்டு உபயோகப் பொருட்கள் மற்றும் ஹார்ட்வேர் கடைகளில் இருந்துதான் பொருட்களை வாங்கி அனைத்தும் உருவாகியிருக்கிறார்.

இந்த காரின் தோற்றம், லம்போர்கினி போன்று இருப்பதற்காக தேவையான வளைவுகளை ஏற்படுத்தி இதை வடிவமைத்துள்ளனர். விலை உயர்ந்த ஒரிஜினல் டயர்களுக்கு பதிலாக, மாருதி ஆல்டோ காரின் டயர்களைப் பயன்படுத்திய இருக்கிறார் பிபின். இதனால் ஓரிஜினர் லம்போர்கினியை விட, இந்த கார் சற்று குறுகிய அளவில் இருக்கும்.

இந்த காரை உருவாக்க இதுவரையில் 1.5 லட்சம் ரூபாயை செலவழித்த பிபின், காரின் தரத்தில் எந்தவித சமரசமும் செய்துகொள்ளவில்லையாம். இந்த காரை முழுவதும் உருவாக்க இன்னும் 20%- 30% வேலைகள் மிச்சம் இருப்பதாக கூறப்படுகிறது.

இப்படி கடும் முயற்சியில் உருவாக்கப்படும் இந்த போலி லம்போர்கினி கார், நெடுச்சாலையில் ஓட்ட அனுமதியில்லை.. ஊருக்குள் மட்டுமே ஓட்ட முடியும் என்பதே உண்மை. இருப்பினும் இளைஞரின் இந்த முயற்சிக்கு பலரும் பாரட்டுகளை தெரிவித்து வருகின்றனர். இதற்கு முன் கடந்த 2021ஆம் ஆண்டில் இதே கேரளாவை சேர்ந்த அனாஸ் பேபி என்பவர், லம்போர்கினி காரை உருவாக்கி இருக்கிறார் என்பது குறிப்பிடத்தக்கது.