ஓசி பிரியாணியும் கொஞ்சிய கொரோனாவும்..! Birthday பார்ட்டி பரிதாபங்கள்

0 27641
நோய் தொற்றை பரப்பியதாக 50 பேர் மீது வழக்குப்பதிவு

கும்மிடிப்பூண்டியில் 500 பேரை கூட்டி பிரியாணி விருந்து வைத்து பிறந்த நாள் கொண்டாடிய ரியல் எஸ்டேட் அதிபர் உள்ளிட்ட 15 பேருக்கு  கொரோனா தொற்று உறுதி செய்யப்பட்டுள்ள நிலையில் அதில் பங்கெடுத்தவர்கள் கலக்கம் அடைந்துள்ளனர். நோய் தொற்றை பரப்பியதாக 50 பேர் மீது பாய்ந்த வழக்கின் பின்னணி குறித்து விவரிக்கின்றது இந்த செய்தி தொகுப்பு... 

கும்மிடிப்பூண்டி ஒன்றியகுழு தலைவராக உள்ள ரியல் எஸ்டேட் அதிபர் குணசேகர் என்பவர் தான் ஊரடங்கை மீறி பிறந்த நாள் விருந்து வைத்து கொரோனாவை பரிமாறிய குற்றச்சாட்டுக்குள்ளனவர்..!

திருவள்ளூர் மாவட்டம் கும்மிடிப்பூண்டியை சேர்ந்த குணசேகர் திமுகவின் பொதுக்குழு உறுப்பினராக உள்ளார். இவர் இரு தினங்களுக்கு முன்பு தனது 50 வது பிறந்த நாளை ஆதரவாளர்களுடன் வெகு விமரிசையாக மாந்தோப்பு ஒன்றில் உற்சாகமாக கொண்டாடினார்.

பிறந்த நாள் விழாவில் பங்கேற்ற 500க்கும் மேற்பட்டோருக்கு மது விருந்துடன் சிக்கன் மற்றும் மட்டன் பிரியாணி தட்டு தட்டாக பரிமாறப்பட்டது..!

இந்த விருந்தில் பங்கேற்ற பெரும்பாலானவர்கள் முககவசம் இல்லாமலும் சமூக இடைவெளி இல்லாமலும் காணப்பட்டனர். உள்ளூர் அரசியல் பிரபலங்கள், அதிகாரிகள் முதல் உள்ளூர் மக்கள் வரை ஏராளமானோர் கும்பலாக பங்கேற்று குணசேகரின் பிறந்த நாள் விழாவை சிறப்பித்தனர்.

இந்த விழா முடிந்த மறு நாள் காய்ச்சல் காரணமாக பர்த்டே பேபி குணசேகர் சிகிச்சைக்காக சேர்க்கப்பட்ட நிலையில் இரு தினங்கள் கடந்த நிலையில், குணசேகருக்கும், அந்த விழாவில் பங்கேற்ற பி.டி.ஓ ஒருவருக்கும் கொரோனா தொற்று உறுதியானது. அதன் தொடர்ச்சியாக லேசான அறி,குறிகளுடன் மருத்துவமனைகளுக்கு சென்று பரிசோதித்து கொண்டவர்கள் என மொத்தமாக இதுவரை 15 பேருக்கு கொரோனா தொற்று உறுதி செய்யப்பட்டிருப்பதாக கூறப்படுகின்றது.

இதனால் குணசேகரின் பிறந்த நாள் விழாவில் பங்கேற்று பிரியாணியை ஒரு பிடி பிடித்த பலரும், தற்போது கொரோனா பிடியில் சிக்கி இருக்கிறோமா ? என்ற கலக்கத்தில் உள்ளனர். பிறந்த நாள் விழாவில் பங்கேற்றவர்கள் தங்களை தனிமைப்படுத்திக் கொள்ளக் கேட்டுக்கொள்ளப்பட்டுள்ளனர். இதையடுத்து கொரோனோ நோய்தொற்றை பரப்பியதாக குணசேகர் உள்பட 50 பேர் மீது ஆரம்பாக்கம் காவல்துறையினர் வழக்கு பதிவு செய்துள்ளனர்.

மேலும் கும்மிடிப்பூண்டி ஊராட்சி ஒன்றிய அலுவலகத்தையும் அந்த மாந்தோப்பையும் இழுத்து பூட்டியுள்ளனர். அங்கு கிருமி நாசினி தெளிப்பதற்கு தேவையான நடவடிக்கைகள் மேற்கொள்ளப்பட்டுள்ளது.

ஊரடங்கை மீறி கும்பலாக சேர்ந்து பிறந்த நாள் கொண்டாடியதன் விளைவு, அவர்களுக்கு கொரோனா பரிசாக கிடைத்திருக்கிறது என்று எச்சரிக்கும் காவல்துறையினர், அரசின் அறிவுருத்தலை ஏற்று அனாவசியமாக வெளியில் சுற்றுவதை தவிர்த்து வீட்டில் இருப்பது அவர்களுக்கு மட்டுமல்ல சுற்றி இருப்போருக்கும் நல்லது என்கின்றனர்.

SHARE
RELATED POSTS
Click to comment
LEAVE COMMENT
SUBMIT

Comments