ராஞ்சி கிரிக்கெட் டெஸ்டில் வெற்றியின் விளிம்பில் இந்திய அணி..!

0 427

தென்னாப்பிரிக்காவிற்கு எதிரான 3வது கிரிக்கெட் டெஸ்டில் இந்திய அணி இன்னிங்ஸ் வெற்றி பெறும் சூழல் ஏற்பட்டுள்ளது.

ராஞ்சியில் நடைபெற்று வரும் இப்போட்டியில் டாஸ் வென்று பேட்டிங் செய்த இந்திய அணி முதல் இன்னிங்சில் 9 விக்கெட் இழப்பிற்கு 497 ரன்களைக் குவித்து டிக்ளேர் செய்தது.

தொடர்ந்து விளையாடிய தென்னாப்பிரிக்கா அணி இந்திய அணியின் வேகப்பந்து வீச்சாளர்களை எதிர்கொள்ள முடியாமல் அடுத்தடுத்து விக்கெட்டுகளை பறிகொடுத்தது. இதனால் முதல் இன்னிங்க்சில் அந்த அணி 162 ரன்களுக்கு அனைத்து விக்கெட்டுகளையும் இழந்து பாலோஆன் ஆனது.

இரண்டாவது இன்னிங்சைத் தொடர்ந்த தென்னாப்பிரிக்க அணி நேற்று ஆட்ட நேர முடிவில் 8 விக்கெட் இழப்பிற்கு 132 ரன்கள் எடுத்திருந்தது. ஷமி, உமேஷ் ஆகியோரின் பந்துவீச்சை சமாளிக்க முடியாமல் எதிரணி வீரர்கள் ஆட்டமிழந்து வெளியேறினர்.

போட்டி முடிய 2 நாட்கள் உள்ள நிலையில், இந்திய அணி பெற இன்னும் 2 விக்கெட் மட்டுமே எடுக்க வேண்டும் என்பதால், தென்னாப்பிரிக்காவிற்கு எதிரான டெஸ்ட் தொடரை ஒயிட் வாஷ் செய்யும் வாய்ப்பு இந்திய அணிக்கு கிடைத்துள்ளது. 

SHARE
RELATED POSTS
Click to comment
LEAVE COMMENT
SUBMIT

Comments