ரோகித் சர்மா இரட்டை சதம்

0 394

தென்னாப்பிரிக்காவுக்கு எதிரான 3வது கிரிக்கெட் டெஸ்ட் போட்டியில், இந்திய அணியின் தொடக்க ஆட்டக்காரரான ரோகித் சர்மா, இரட்டை சதம் விளாசினார். 

இந்தியா - தென்னாப்பிரிக்கா அணிகள் மோதும் 3வது கிரிக்கெட் டெஸ்ட் போட்டி, ஜார்கண்ட் மாநிலத் தலைநகர் ராஞ்சியில் நடைபெற்று வருகிறது. டாஸ் வென்ற இந்திய அணி பேட்டிங்கைத் தேர்வு செய்து முதல் இன்னிங்சை விளையாடி வருகிறது. நேற்று முதல் நாள் ஆட்டத்தில், இந்திய அணியின் தொடக்கம் அதிர்ச்சி அளிக்கும் வகையில் இருந்தது. மயங்க் அகர்வால், புஜாரா, கேப்டன் விராட் கோலி ஆகியோர் அடுத்தடுத்து ஆட்டமிழந்தனர்.

பின்னர் ஜோடி சேர்ந்த ரகானேவும், ரோகித் சர்மாவும் நிதானமாக ஆடி ரன் சேர்த்தனர். ரோகித் சர்மா சதம் அடித்து அசத்தினார்.

முதல் நாள் ஆட்டநேர முடிவில் இந்திய அணி 3 விக்கெட் இழப்பிற்கு 224 ரன்கள் எடுத்திருந்தது. இன்று இரண்டாம் நாள் ஆட்டத்தில் ரகானே சதம் அடித்தார்.

115 ரன்கள் எடுத்து ரகானே அவுட்டான நிலையில், ரவீந்திர ஜடேஜாவும், ரோகித் சர்மாவும் ஜோடி சேர்ந்தனர். அதிரடி காட்டிய ரோகித் சர்மா, 249 பந்துகளில் தனது முதலாவது இரட்டை சதம் அடித்து அசத்தினார்.

212 ரன்கள் எடுத்திருந்த போது அவர் ஆட்டமிழந்தார். பிற்பகல் 12.30 மணி நிலவரப்படி, இந்திய அணி 5 விக்கெட் இழப்பிற்கு 370 ரன்கள் எடுத்திருந்தது.

SHARE
RELATED POSTS
Click to comment
LEAVE COMMENT
SUBMIT

Comments