காஷ்மீரில் நமது சொந்த ஹெலிகாப்டரையே சுட்டு வீழ்த்தியது மிகப்பெரிய தவறு - ஆர்கேஎஸ் பதாரியா

0 809

இந்திய வான் பரப்புக்குள் நுழைந்த பாகிஸ்தான் போர் விமானங்களை விரட்டியடித்த போது, நமது சொந்த ஹெலிகாப்டர் சுட்டு வீழ்த்தப்பட்டது மிகப்பெரிய தவறு என்று விமானப்படையின் புதிய தளபதி ஆர்கேஎஸ் பதாரியா கூறியுள்ளார்.

டெல்லியில் செய்தியாளர்களை சந்தித்த அவர், இந்திய விமானப் படை எத்தகைய அவசர சூழ்நிலையிலும் எதிர்கொள்ளும் தயாரிப்போடு உள்ளது எனக் கூறினார். பாலக்கோடு தீவிரவாத முகாம்கள் மீதான தாக்குதல் உள்ளிட்ட பல்வேறு சாதனைகளை விமானப்படை ஓராண்டில் நிகழ்த்தியிருப்பதாகவும் அவர் குறிப்பிட்டார்.

கடந்த பிப்ரவரி 27ஆம் தேதி, நமது எம்ஐ-17 ரக ஹெலிகாப்டர் ஜம்மு-காஷ்மீர் மாநிலம் பட்காமில், தரையிலிருந்து பாய்ந்து சென்று விண்ணில் உள்ள இலக்கை தாக்கும் ஏவுகணையால் இந்திய விமானப்படையால் சுட்டு வீழ்த்தப்பட்டது குறித்து, செய்தியாளர்கள் கேள்வி எழுப்பியபோது, அது நமது பக்கத்தில் நடந்த மிகப்பெரிய தவறு என்றும், இந்த சம்பவம் தொடர்பாக விசாரணை நடத்தப்பட்டு அறிக்கை தாக்கல் செய்யப்பட்டிருப்பதாகவும் பதாரியா கூறினார்.

தவறு செய்தவர்கள் மீது உரிய நடவடிக்கை எடுக்கப்படும் என்றும் விமானப்படை தளபதி தெரிவித்தார். ஏற்கெனவே 2 அதிகாரிகள் மீது ஒழுங்கு நடவடிக்கை எடுக்கப்பட்டிருப்பதாகவும் அவர் கூறினார். செய்தியாளர் சந்திப்புக்கு முன்னதாக, பாலக்கோடு தாக்குதல் தொடர்பான வீடியோ காட்சிகளையும் விமானப்படை வெளியிட்டது. 

 

 

SHARE
RELATED POSTS
Click to comment
LEAVE COMMENT
SUBMIT

Comments