சென்னை விமான நிலைய இரண்டாவது முனையத்தில் ஏற்பட்ட தீ விபத்தால், புறப்பாடு பகுதியில் புகை மண்டலம் சூழ்ந்தது. இதனால் அச்சமடைந்த பயணிகள் அங்கும் இங்கும் சிதறி ஓடினர். இருவர் மயக்கம் அடைந்தனர். தீயணைப்புத்துறையினர் விரைந்து சென்று ஒரு மணி நேரத்தில் புகையைக் கட்டுக்குள் கொண்டு வந்தனர்.

சிங்கப்பூர் ஏர்லைன்ஸ் அலுவலகத்தில் திடீரென ஏற்பட்ட மின்கசிவு காரணமாக தீ விபத்து ஏற்பட்டதாகவும் பெரிய அளவில் பாதிப்பு இல்லை என்றும் விமான நிலைய அதிகாரிகள் தெரிவித்தனர்.

இருப்பினும் முன்னெச்சரிக்கையாக சர்வதேச முனையத்தில் போர்டிங் பாஸ்கள் கொடுப்பது தற்காலிகமாக நிறுத்தப்பட்டு, பயணிகள் அனைவரும் வெளியேற்றப்பட்டதாகவும் அவர்கள் கூறினர்.

நிலைமை கட்டுக்குள் வந்து மீண்டும் போர்டிங் பாஸ் கொடுப்பது தொடங்கிவிட்டது என்றும் கூறிய அதிகாரிகள், விபத்து குறித்து முழுமையாக விசாரணை நடத்தி வருவதாகவும் தெரிவித்தனர்.

இந்த தீ விபத்தால் விமான சேவைகளில் எவ்வித பாதிப்பும் ஏற்படவில்லை என்று கூறிய அதிகாரிகள், குறித்த நேரத்தில் விமானங்கள் புறப்பட்டுச் சென்றதாகவும் கூறினர்.