ஏவிஎம் நிறுவனத்தின் பங்குதாரர்களில் ஒருவரான ஏ.வி.எம். சரவணனின் உடலுக்கு திரையுலகத்தினர் அஞ்சலி செலுத்தினர். 86 வயதை கடந்த அவர் புதன்கிழமை அன்று தமது பிறந்த நாளை கொண்டாடிய நிலையில் வியாழக்கிழமை அதிகாலை காலமானார்.

ஏவிஎம் படப்பிடிப்பு வளாகத்தில் அஞ்சலிக்காக வைக்கப்பட்ட அவரது உடலுக்கு ரஜினிகாந்த், சிவகுமார், வைரமுத்து உள்ளிட்ட ஏராளமானவர்கள் அஞ்சலி செலுத்தினர். தென்னிந்திய திரைப்பட நடிகர் சங்கத்தினர், தயாரிப்பாளர் சங்கத்தினர் உள்ளிட்ட திரையுலகத்தைச் சேர்ந்தவர்களும் மலர் வளையம் வைத்து அஞ்சலி தெரிவித்தனர்.

முன்னதாக முதலமைச்சர் மு.க.ஸ்டாலின் சரவணனின் வீட்டிற்கு சென்று அஞ்சலி செலுத்தி குடும்பத்தினருக்கு ஆறுதல் கூறினார்.

அஞ்சலி நிகழ்ச்சிக்கு பின்னர் சரவணனின் உடல், இறுதி ஊர்வலமாக கொண்டு செல்லப்பட்டு, ஏ.வி.எம் ஸ்டூடியோவுக்கு பின்புறம் உள்ள மயானத்தில் இறுதி சடங்குகள் நடைபெற்றன.