டெல்லிக்கு வியாழன் அன்று வர உள்ள ரஷ்ய அதிபர் புதினுக்கு 5 அடுக்கு பாதுகாப்பு வழங்க நடவடிக்கை எடுக்கப்பட்டுள்ளது.

பிரதமர் மோடியின் அழைப்பை ஏற்று டெல்லிக்கு வியாழன் மாலையில் புதின் வருகை தர உள்ளார். இருநாட்கள் இந்தியாவில் அவர் தங்க உள்ள நிலையில், ரஷ்யாவில் இருந்து அவரது பாதுகாவலர்கள் 48 பேர் டெல்லிக்கு வந்துள்ளனர்.

புதின் பயணிக்க உள்ள சிறப்பு பாதுகாப்பு அம்சங்கள் கொண்ட லிமோசின் காரும் டெல்லிக்கு கொண்டு வரப்பட்டுள்ளது. புதின் பயணிக்க உள்ள பாதை நெடுகிலும் ஏ.ஐ தொழில் நுட்பமும், மனித முகத்தை அடையாளம் காணும் வசதியும் கொண்ட சிசிடிவி கேமிராக்கள் பொருத்தப்பட்டுள்ளன.

புதின் செல்ல உள்ள பாதைகளில் விசேச டிரோன்கள் மூலம் கண்காணிக்க தனி கட்டுப்பாட்டு அறையும் அமைக்கப்பட்டுள்ளது.

இத்துடன் ஸ்னைப்பர் துப்பாக்கி ஏந்திய காவலர்கள், தேசிய பாதுகாப்பு படையினர், காவல்துறையிரும் பாதுகாப்பு பணியில் ஈடுபட உள்ளனர்.

புதின் பயணிக்கும் பாதைகள், அவர் பங்கேற்றும் நிகழ்ச்சி நடக்கும் இடங்கள் என பல்வேறு இடங்களில் ஜாமர்களை பொறுத்தி காவல்துறை கண்காணித்து வருவதாக அதிகாரிகள் கூறியுள்ளனர்.