SIR பணிக்கான கால அவகாசம் டிசம்பர் 4 ஆம் தேதிக்குப் பிறகு நீட்டிக்கப்படாது என்று தமிழக தலைமைத் தேர்தல் அதிகாரி அர்ச்சனா பட்நாயக் தெரிவித்துள்ளார். சென்னை தலைமைச் செயலகத்தில் பேட்டியளித்த அவர், SIR படிவங்களை பூர்த்தி செய்து கொடுக்கும் வாக்காளர்கள் மட்டுமே டிசம்பர் 9 ஆம் தேதி வெளியாகும் வரைவு வாக்காளர் பட்டியலில் இடம்பெறுவார்கள், மற்றவர்கள் புதிதாக விண்ணப்பிக்க வேண்டும் என்றார்.

வாக்காளர் பட்டியலில் பெயர் இருந்தால் SIR படிவம் நிச்சயம் இருக்கும் என்று கூறிய தலைமை தேர்தல் அதிகாரி, கணக்கீட்டுப் படிவங்களில் தகவல்கள் சரியாக இருந்தால் எந்த படிவமும் நிராகரிக்கப்படாது என்று தெரிவித்தார்.

ஆன்லைன் மூலம் SIR-க்கு விண்ணப்பம் செய்வதில் எந்த சிக்கலும் இல்லை என்றும், இதுவரை 2 லட்சம் பேர் ஆன்லைனில் படிவங்களை சமர்பித்து உள்ளதாகவும் அர்ச்சனா பட்நாயக் கூறினார்.

ஒரு குறிப்பிட்ட கட்சியினருக்கு மட்டும் SIR படிவங்கள் வழங்கப்படுவதாக கூறப்படும் குற்றச்சாட்டு தவறானது என அவர் விளக்கம் அளித்தார்.