தமிழ்நாட்டில் வரும் 28ஆம் தேதி முதல் நடைபெற உள்ள ஆடவர் ஹாக்கி ஜூனியர் உலகக் கோப்பை தொடருக்கான வெற்றி கோப்பையை முதலமைச்சர் மு.க.ஸ்டாலின் அறிமுகப்படுத்தினார். சென்னை மற்​றும் மதுரை​யில் நடை​பெற உள்​ள போட்டிக்கான கோப்பையை சென்னைத் தலைமைச் செயலகத்தில் நடைபெற்ற நிகழ்ச்சியில் முதலமைச்சர் அறிமுகம் செய்துவைத்தார்.

இதனைத் தொடர்ந்து, காணொலி வாயிலாக வேலூரில் 32 கோடி ரூபாய் செலவில் அமைக்கப்பட்டுள்ள வேலூர் மினி டைடல் பூங்காவினை திறந்து வைத்த முதலமைச்சர், நாமக்கல் ராசிபுரத்தில் 37 கோடி ரூபாய் மதிப்பீட்டில் அமைய உள்ள மினி டைடல் பூங்காவிற்கு அடிக்கல் நாட்டினார்.

23 கோடி ரூபாய் செலவில் தரை மற்றும் நான்கு தளங்கள் கொண்ட புதிய மருத்துவக் கட்டடம் கட்டப்பட்டு, கூடுதல் படுக்கை வசதிகளுடன் மேம்படுத்தப்பட்ட திருச்செங்கோடு அரசு மருத்துவமனையை காணொலிக் காட்சி வாயிலாக முதலமைச்சர் திறந்து வைத்தார்.

அறநிலையத் துறை திருக்கோயில்கள் சார்பில் நடத்தப்படும் அர்ச்சகர், ஓதுவார், தவில் மற்றும் நாதஸ்வரம், திவ்ய பிரபந்த பாடசாலை மற்றும் வேத ஆகம பாடசாலை ஆகிய 18 பயிற்சிப் பள்ளிகளில் பயிற்சி பெறும் மாணவர்களுக்கு உயர்த்தப்பட்ட ஊக்கத்தொகையையும் முதலமைச்சர் வழங்கினார்.