வடகிழக்கு பருவமழையை டாஸ்மாக் மது மழை விஞ்சியிருப்பதாக பாமக தலைவர் அன்புமணி விமர்சித்துள்ளார். தமிழ்நாட்டில் தீப ஒளி திருநாளையொட்டி, 3 நாள்களில் மொத்தம் 789.85 கோடி ரூபாய்க்கு டாஸ்மாக் கடைகளில் மது வணிகம் நடைபெற்றிருப்பதாக வெளியாகியிருக்கும் செய்திகள் வருத்தமும், வேதனையும் அளிப்பதாக அவர் குறிப்பிட்டுள்ளார்.

ஒவ்வொரு ஆண்டும் தமிழ்நாட்டு குடும்பங்களுக்கு மகளிர் உரிமைத் தொகையாக 13,000 கோடி ரூபாயை அரசு வழங்குவதாகவும், ஒரு நாளைக்கு 35.61 கோடி ரூபாய் என 3 நாள்களுக்கு கணக்கிட்டால் 106.86 கோடி ரூபாய் வழங்கப்படுவதாக குறிப்பிட்டுள்ளார். ஏழைக் குடும்பங்களை உருவாக்குவதற்காக தமிழ்நாடு அரசு ஒவ்வொரு குடும்பத்திற்கும் வழங்கும் தொகையை விட, 7.39 மடங்கு அதிக தொகையை மது வணிகம் என்ற பெயரில் ஏழைக் குடும்பங்களிடமிருந்து அரசு பறித்துக் கொள்வதாக அன்புமணி சாடியிருக்கிறார். இவ்வாறு மதுவைக் கொடுத்து மக்களிடமிருந்து பணத்தைப் பறித்தால் ஏழைக் குடும்பங்கள் எங்கிருந்து முன்னேறும் என்றும் அன்புமணி வினவி இருக்கிறார்.