தி.மு.க. அரசு பல்வேறு வாக்குறுதிகளை நிறைவேற்றவில்லை என குற்றஞ்சாட்டிய எடப்பாடி பழனிசாமி, உருட்டு கடை அல்வா என அச்சிடப்பட்ட பாக்கெட்டுகளை சட்டப்பேரவை வளாகத்தில் விநியோகித்தார். அங்கு பேட்டியளித்த இ.பி.எஸ்., 2021 சட்டமன்றத் தேர்தலுக்கு தி.மு.க. அளித்த 500-க்கும் மேற்பட்ட தேர்தல் வாக்குறுதிகளில் 10% அறிவிப்புகளைக் கூட நிறைவேற்றாமல் மக்களுக்கு தி.மு.க. அரசு அல்வா கொடுத்துவிட்டதாக குற்றஞ்சாட்டினார். பின்னர், தி.மு.க.வின் தேர்தல் வாக்குறுதிகள் அச்சிடப்பட்ட அல்வா பாக்கெட்டுகளை அவர் வழங்கினார்.

இதற்கு பதிலளித்த அமைச்சர் சிவசங்கர், அல்வா பாக்கெட்டுகளை வைத்து இன்ஸ்டாகிராம் ரீல்ஸ்களுக்காக அரசியல் செய்யும் நிலைக்கு எடப்பாடி பழனிசாமி வந்துள்ளதாக விமர்சித்தார். தி.மு.க. அரசு நிறைவேற்றிய தேர்தல் வாக்குறுதிகளை இ.பி.எஸ். மறைக்க முயற்சிப்பதாக கூறிய சிவசங்கர், அரசின் நலத்திட்டங்களை மற்ற மாநில முதலமைச்சர்களும் பாராட்டி பின்பற்றுவதாக தெரிவித்தார். மேலும், கடந்த காலத்தில் பெண்களுக்கு செல்போன் கொடுப்போம், இருசக்கர வாகனம் கொடுப்போம் உள்ளிட்ட வாக்குறுதிகள் கொடுத்து அ.தி.மு.க. உருட்டிய உருட்டுகளின் பட்டியல் உள்ளதாகவும் சிவசங்கர் குறிப்பிட்டார்.