தீ​விர​வா​தி​களிட​மிருந்து பொற்​கோ​யிலை மீட்க ஆபரேஷன் ப்ளூ ஸ்டார் நடத்​தி​யது தவறு என்று முன்​னாள் மத்​திய அமைச்​சர் ப. சிதம்​பரம் தெரி​வித்த கருத்​துக்கு காங்​கிரசில் கடும் கண்​டனம் எழுந்துள்ளது.

இமாச்சல பிரதேசத்தின் கசவுலி​யில் நடந்த குஷ்வந்த் சிங் இலக்​கிய திரு​விழாவில் பேசிய ப.சிதம்​பரம், ஆபரேஷன் ப்ளூ ஸ்டார் நடவடிக்​கைக்கு ராணுவம், காவல் துறை, புல​னாய்​வுத் துறை மற்​றும் உயர் அதி​காரி​கள்​தான் காரணம் என்றும் அந்தத் தவறுக்​காக முன்​னாள் பிரதமர் இந்திரா காந்தி தனது உயிரை இழக்க வேண்டியிருந்தது என்றும் கூறியிருந்தார்.

அந்த விவ​காரத்​தில் இந்​திரா காந்தி மீது குறை​கூற முடி​யாது என்றும் ப. சிதம்பரம் தெரிவித்திருந்தார். இது பற்றி டெல்லியில் பேட்டியளித்த காங்​கிரஸ் முன்​னாள் எம்​.பி. ரஷித் ஆல்வி, ப.சிதம்​பரம் மீது குற்ற வழக்​கு​கள் நிலு​வை​யில் உள்​ளதால் ஏற்​பட்ட அழுத்​தம் காரண​மாக இப்​படி கருத்து தெரி​வித்​தா​ரா என்று கேள்வி எழுப்பினார்.

காங்​கிரஸ் கட்சி எவ்​வளவோ செய்​திருக்​கும் போதிலும் ப. சிதம்பரம் ஏன் கட்​சிக்கு எதி​ராக பேசுகிறார் என தெரிய​வில்​லை என்றும் ஆல்வி கூறியுள்ளார்.