தமிழ் திரையுலகில் 80 களில் அபோதிருந்த தொழில் நுட்ப வசதிகளை வைத்து ஏராளமான வெற்றிப்படங்களை உருவாக்கியதில் முக்கிய பங்கு வகித்த ஒளிப்பதிவாளர் பாபு வயது மூப்பு காரணமாக காலமானார் . பழம்பெரும் ஒளிப்பதிவாளர் பிரசாத்திடம் உதவி ஒளிப்பதிவாளராக இருந்தபோதே எம்.ஜி.ஆரின் அன்னமிட்டகை, சிவாஜி கணேசனின் தில்லனா மோகனம்பாள் படத்தில் சில காட்சிகளை ஒளிப்பதிவு செய்தவர் பாபு

திரைப்பட இயக்குனர் எஸ்.பி முத்துராமன் இயக்கத்தில் ரஜினிகாந் நடித்துள்ள முரட்டுக்காளை, ராணுவ வீரன், ஆறிலிருந்து அறுபதுவரை, பாயும் புலி , நான் மகான் அல்ல, கழுகு, போக்கிரிராஜா என அவர் பணியாற்றிய ஒவ்வொரு படமும் ரசிகர்களை காட்சி அமைப்புகளால் ஆட்டம் போட வைத்தவை..

சகலகலாவல்லவன் படத்தில் பாபு ஒளிப்பதிவு செய்த ஹேப்பி நியூ இயர் பாடல் தான் தலைமுறைகள் கடந்தும் இன்றுவரை ரசிகர்களை ஆட்டம் போட வைக்கின்றது

தமிழ் திரை உலகில் முதன் முறையாக முரட்டுக்காளை படத்தில் ஓடும் ரயிலில் சண்டை காட்சிகளை தத்ரூபமாக படம் பிடித்து பாராட்டு பெற்றவர் பாபு

பாயும்புலி படத்தில் வித்தியாசமான காமிரா கோணங்களால், புரூஸ்லியின் எண்டர்தி டிராகன் படத்தை ரசிகர்களின் கண் முன் நிறுத்தியவர் பாபு என்பதால் அவரை ‘ என் கண்ணானவர் ’ என்று இயக்குனர் எஸ்.பி முத்துராமன் பாராட்டினார்

நல்லவனுக்கு நல்லவன் படத்தில் ரஜினிகாந்தின் அறிமுக காட்சியையே வித்தியாசமாக படம் பிடித்து ரசிகர்களை கொண்டாட செய்தவர் பாபு

அதிலும் கிராபிக்ஸ் ஒர்க் இல்லாத காலகட்டத்தில் பாடல் காட்சி ஒன்றில் ஏராளமான டிவிக்களை ஓடவிட்டு அனைத்திலும் ரஜினிகாந்த் ஆடுவது போல திறமையாக படம் பிடித்ததில் பாபுவின் பங்கு மகத்தானது

கமலஹாசனின் தூங்காதே தம்பி தூங்காதே படத்திலும், பாடல் காட்சி சண்டை காட்சி என்று பாபுவின் காமிரா விளையாடி இருக்கும்

அரங்கில் எடுக்கப்பட்ட காட்சி எது ? எது வெளிப்புற காட்சி பதிவு எது ? என்பது தெரியாத வண்ணம் முகத்திறமையாக ஒளிப்பதிவு செய்வதில் வல்லவர் பாபு

2001ம் ஆண்டு பிரபு நடிப்பில் வெளியான ‛தாலி காத்த காலி அம்மன்' தான் இவரின் கடைசி திரைப்படம்.வயது மூப்பு காரணமாக 88 வயதில் மறைந்த அவரது உடலுக்கு முன்னணி இயக்குனர்கள் நடிகர்கள் அஞ்சலி செலுத்தினர். அவரது காமிராவில் காட்சிகளாக பதிவாகி... வெள்ளித்திரைகளை ஆட்சி செய்த... தலைமுறைகள் கடந்தும் ரசிகர்கள் மனதில் நிலைத்து நிற்கும் சினிமா காட்சிகள் மூலம் ஒளிப்பதிவாளர் பாபுவின் பெயர் நிலைத்து நிற்கும் ..!