காரைக்காலில் உள்ள மத்திய பல்கலைக்கழக வளாக பொறுப்பாளரான பேராசிரியர் மாதவய்யா என்பவர் மீதான மாணவியின் பாலியல் குற்றச்சாட்டு சமூக வலைதளங்களில் வெளியாகி பரபரப்பை ஏற்படுத்தியது

இந்நிலையில், பேராசிரியர் மாதவய்யா மீது நடவடிக்கை எடுக்க வலியுறுத்தி, வியாழக்கிழமையன்று, புதுச்சேரி காலாப்பட்டில் உள்ள மத்திய பல்கலைக்கழக வளாகத்திற்குள் அத்துமீறி நுழைந்து மாணவர்கள் போராட்டத்தில் ஈடுபட்டனர்

உள்ளிருப்பு போராட்டம் நடத்திய மாணவர்களை கலைந்து போக சொன்ன போதும் கேட்காததால் அவர்க மீது, போலீசார் தடியடி நடத்தி விரட்டினர்

கலைந்து செல்லாமல் ஒருவருக்கொருவர் கைகளை சங்கிலி போல பற்றிக் கொண்டு மாணவர்கள் போலீசுக்கு எதிராக எதிர்ப்புக்குரல் எழுப்பினர்

இதையடுத்து 4 பிரிவுகளில் வழக்குப்பதிந்து, 6 மாணவிகள் உட்பட 24 பேரை கைது செய்தனர்

கைது செய்யப்பட்ட மாணவர்களை காவல் நிலையத்தில் வைத்து அடிப்பதாக தகவல் அறிந்து விரைந்து சென்ற பா.ஜ.க எம்.எல்.ஏ கல்யாண சுந்தரம், படிக்கின்ற மாணவர்களை எப்படி அடிக்கிறீங்க ? அவங்க என்ன ரவுடிகளா ? இதே மாதிரி தப்பு பன்ற ரவுடிகளை உங்களாள அடிக்க முடியுமா ? என்று ஆவேசமாக கேள்வி எழுப்பியதால் போலீசார் அதிர்ச்சி அடைந்தனர்

இந்நிலையில், 2ஆவது நாளாக, வெள்ளியன்றும், புதுச்சேரி மத்திய பல்கலைக்கழக மாணவர்கள் போராட்டத்தில் ஈடுபட்டனர். இதற்கிடையே, காரைக்கால் வளாக பொறுப்பாளர் மீதான பாலியல் குற்றச்சாட்டு தொடர்பாக , இந்த போராட்டம் வெறும் ட்ரெண்டு என்றும் அதனை அப்படியே விசாரிக்காமல் விட்டு விடலாம் என்றும் 2 பேராசிரியர்கள் பேசியதாக கூறப்படும் ஆடியோ வெளியாகி சர்ச்சையை ஏற்படுத்தியிருக்கிறது.