மாடுகளுக்கும் காடுகளுக்கும் மாநாடு நடத்திய சீமான், கடல் மாதாவுக்கு மாநாடு நடத்த உள்ளதாக அறிவித்து சில மீனவர்களுடன் படகில் ஏறி திருச்செந்தூர் கடலுக்குள் சென்றார். 1 மணி நேரமாக கடலில் வலம் வந்த சீமானின் தூண்டிலில் இரு மீன்கள் சிக்கியது

நாம் தமிழர் கட்சியின் தலைமை ஒருங்கிணைப்பாளர் சீமான் மீனவர்கள் மற்றும் நாம் தமிழர் கட்சியினருடன் மீன்பிடிக்கும் படகில் கடலுக்குள் சென்றார். கடற்கரையில் இருந்து சுமார் ஒன்றரை கிலோ மீட்டர் தொலைவில் கடலுக்குள் சென்ற அவர் அங்கு மீனவர்களுடன் மீன்பிடிக்கும் தூண்டிலில் மீன்கள் பிடித்தார்.

மாடுகளையும் ,காடுகளையும் தொடர்ந்து வருகிற நவம்பர் 15 ஆம் தேதி நடைபெற உள்ள கடலம்மா மாநாட்டிற்காக மீனவர்கள் மற்றும் நாம் தமிழர் கட்சியினருடன் ஆலோசனை மேற்கொண்டார்.

ஏற்கனவே காடுகளைப் பாதுகாக்க மாநாடு கால்நடைகளை பாதுகாக்க மாநாடு பனை மரங்கள் மற்றும் பனைத் தொழிலாளர்களை பாதுகாக்க மாநாடு நடத்திய நிலையில் தற்போது மீனவர்களையும் மீன் தொழிலையும் பாதுகாப்பதற்காக கடல் மாநாடு நடத்த உள்ளார்.

அதை தொடர்ந்து செய்தியாளர்களை சந்தித்தார் சீமான்,

த.வெ.க தலைவர் விஜய் தற்போது மேற்கொண்டு வரும் பிரச்சார வடிவத்தை தவிர்த்து விட்டு பொதுக்கூட்டமாக நடத்தினால் நலம் எனக் கூறினார். தெருக்களில் செல்வது எப்போதும் இடைஞ்சலைத் தான் தரும் என்றும் அமெரிக்கா போல தேர்தல் பரப்புரையை பின்பற்ற வேண்டும் என்றார்.