RECENT NEWS
இந்தியா
அடுத்த குடியரசு துணைத் தலைவர் யார்..?
Jul 23, 2025 03:20 AM
48
அடுத்த குடியரசு துணைத் தலைவர் யார்..?
புதிய குடியரசு துணைத் தலைவர் தேர்தலில் ஆளும் பா.ஜ.க. தலைமையிலான தேசிய ஜனநாயக கூட்டணி முன்மொழியும் நபரே மீண்டும் வெற்றி பெறும் சூழல் நிலவுகிறது.
ஜகதீப் தன்கர் பதவி விலகலைத் தொடர்ந்து அரசமைப்புச் சட்டப் பிரிவு 68 பகுதி 2-இன் கீழ், அடுத்த குடியரசு துணைத் தலைவருக்கான தேர்தல் விரைவில் நடத்தப்படும் என எதிர்பார்க்கப்படுகிறது. அத்தேர்தலில் மக்களவை மற்றும் மாநிலங்களவை உறுப்பினர்கள் வாக்களிக்க முடியும்.
543 எம்.பி.க்களை கொண்ட மக்களவையில் ஒரு இடம் காலியாக உள்ளது. 245 எம்.பி.க்களை கொண்ட மாநிலங்களவையில் 5 இடங்கள் காலியாக உள்ளன.
இரு அவைகளையும் சேர்த்து எம்.பி.க்களின் பலம் 786-ஆக உள்ளது. இதில், குடியரசு துணைத் தலைவர் பதவிக்குப் போட்டியிடுபவர் வெற்றி பெற குறைந்தபட்சம் 394 வாக்குகளைப் பெற வேண்டும்.
மக்களவையில் தேசிய ஜனநாயக கூட்டணிக்கு 293 பேரின் ஆதரவும் மாநிலங்களவையில் 129 பேரின் ஆதரவும் உள்ளது. நியமன எம்.பி.க்களின் ஆதரவும் கிடைக்கும் பட்சத்தில் மொத்தம் 422 உறுப்பினர்களின் ஆதரவுடன் தேசிய ஜனநாயக கூட்டணி வேட்பாளர் எளிதில் வெல்லும் வாய்ப்பு உள்ளது.
SHARE
Max characters : 500
RELATED POSTS
BIG STORIES
ABOUT US
Polimer News is an Indian television channel based in Chennai, India. It was launched by Kalyana Sundaram as a local TV station in Salem, which was carried only on subscription providers. It later changed its programming to an entertainment network and expanded its coverage area to the whole State of Tamil Nadu
Contact Us:digitial@polimernews.com
FOLLOW US
