நாமக்கல் கிட்னி திருட்டு புகாரில் தொடர்புடையதாகக் கூறப்படும் திமுக நிர்வாகி திராவிட ஆனந்தன் தனது வீட்டின் அருகே சுற்றித் திரியும் சிசிடிவி காட்சிகள் வெளியாகியுள்ள நிலையில், அவரைத் தனிப்படையினர் எங்கு தேடி வருகின்றனர் என அண்ணாமலை கேள்வி எழுப்பியுள்ளார்.

தமிழகத்தில் பாலியல் குற்றங்கள், கொலை, கொள்ளை என பெரும் குற்றச் செயல்களில் ஈடுபடுபவர்கள் பெரும்பாலும் திமுகவினராக இருக்கின்றனர் என்றும் அண்ணாமலை விமர்சித்துள்ளார்.

மணச்சநல்லூர் திமுக சட்டமன்ற உறுப்பினருக்குச் சொந்தமான தனலட்சுமி சீனிவாசன் மருத்துவக் கல்லூரி மருத்துவமனையில் வைத்தும், திமுகவினருக்குத் தொடர்புடைய இன்னும் சில மருத்துவமனைகளில் வைத்தும் தான், தங்களுடைய கிட்னி எடுக்கப்பட்டது என்று, பாதிக்கப்பட்டவர்கள் தெரிவித்துள்ளனர் என்று அண்ணாமலை கூறியுள்ளார்.

திமுக நிர்வாகி திராவிட ஆனந்தன், தனி நபராக இதனைச் செய்திருக்க வாய்ப்பில்லை என்று கூறியுள்ள அண்ணாமலை, இதில் தொடர்புடைய நபர்கள், மருத்துவமனைகள் என அனைவர் மீதும் கடுமையான நடவடிக்கை எடுக்க வேண்டும் என்று வலியுறுத்துவதாகவும் கூறியுள்ளார்.