கேரளாவைச் சேர்ந்த செவிலியர் நிமிஷா பிரியாவுக்கு இன்று நிறைவேற்றப்படுவதாக அறிவிக்கப்பட்டிருந்த மரண தண்டனை ஒத்திவைக்கப்பட்டதற்கு, இஸ்லாமியத் தலைவர் மூலம் நடத்திய பேச்சுவார்த்தையே காரணம் என தகவல் வெளியாகி உள்ளது.

பாலக்காட்டைச் சேர்ந்த நிமிஷா ஏமனில் அந்நாட்டைச் சேர்ந்த தலால் என்பவரை மயக்க ஊசி செலுத்தி கொலை செய்ததாக 2020ஆம் ஆண்டில் மரண தண்டனை விதிக்கப்பட்டது.

நிமிஷாவின் குடும்பத்தினர் இந்திய அரசின் மூலம் பேச்சுவார்த்தை நடத்த பல்வேறு முயற்சிகள் மேற்கொண்டும் அது கைகூடவில்லை என கூறப்படுகிறது.

இந்நிலையில், நிமிஷாவின் மரண தண்டனை நிறுத்திவைப்பது தொடர்பாக மதம் மற்றும் மனிதநேய அடிப்படையிலான மாற்றுப் பாதையில் சென்றதாக வழக்கறிஞர் சுபாஷ் சந்திரன் கூறினார்.

ஏமன் போன்ற போரினால் பாதிக்கப்பட்ட நாட்டில் ராஜாங்க பேச்சுவார்த்தைக்கு வரம்புகள் உள்ள நிலையில், இந்தியாவைச் சேர்ந்த மூத்த இஸ்லாமியத் தலைவர் அபுபக்கர் மூலம் ஏமனின் மத மற்றும் அரசியல் தலைவர்களிடம் பேச்சுவார்த்தை நடத்தப்பட்டதாக அவர் குறிப்பிட்டார்.