தமிழ் சினிமாவில் சர்ச்சைக்கு பெயர் போன நடிகையாக அறியப்படுபவர் வனிதா விஜயகுமார் . இவர் நடன இயக்குனர் ராபர்ட் உடன் 'மிஸஸ் அண்ட் மிஸ்டர்' என்ற படத்தில் நடித்திருந்தார். இந்த திரைப்படத்தை வனிதாவின் மகள் ஜோவிகா தயாரித்துள்ளார்.

இந்த படத்தின் போஸ்டர் வெளியிடும் போதே, வனிதா விஜயகுமார், ராபர்ட் இருவரும் திருமணம் செய்துகொள்ளப் போவது போன்று அறிவித்து பின்னர் திரைப்படம் தான் என வில்லங்கமாக ப்ரொமோஷன் செய்தனர்.

'மிஸஸ் அண்ட் மிஸ்டர்' திரைப்படம் கடந்த வெள்ளிக்கிழமையன்று திரையரங்குகளில் வெளியானது. அந்தப் படத்தில் மைக்கேல் மதன காமராஜன் படத்தில் இடம்பெற்ற சிவராத்திரி என்ற பாடல் பயன்படுத்தப்பட்டிருந்தது.

அண்மையில் குட் பேட் அக்லி, மஞ்சுமல் பாய்ஸ் போன்ற படங்களில் தனது பாட்டை அனுமதியின்றி பயன்படுத்தியதாக நோட்டிஸ் அனுப்பிய இளையராஜா, இந்த முறையும் சிவராத்திரி பாடலை அனுமதியின்றி பயன்படுத்தியதாக வனிதா விஜயகுமாரிடம் இழப்பீடு கேட்டு நோட்டீஸ் ஒன்றை அனுப்பி இருந்தார்.

படம் பார்ப்பதற்காக சென்னை வடபழனியில் உள்ள கமலா தியேட்டரில் படம் பார்க்க வந்த வனிதாவிடம், இளையராஜா அனுப்பிய நோட்டிஸ் அனுப்பியது குறித்து செய்தியாளர்கள் கேள்வி எழுப்பியதற்கு, பாடலின் உரிமம் வைத்திருக்கும் சோனி மியூசிக் நிறுவனத்திடம் முறையான அனுமதி பெற்ற பின்னரே படத்தில் பயன்படுத்தியதாக விளக்கம் அளித்தார்.

இளையராஜா இசை கடவுள் மாதிரி , அவரிடம் அனுமதி கேட்டுத்தான் பாடலை பயன்படுத்தினேன், கடவுளே கோபிச்சிகிட்டா? எவ்வளவு கஷ்டமா இருக்கும் என கண்ணீர் வனிதா சிந்தினார்.

அது மட்டுமில்லாமல், தான் இளையராஜாவின் வீட்டிற்கு மருமகளாக வர வேண்டியவ, என போகிற போக்கில் ஒரு குண்டையும் வீசி விட்டு சென்றார் வனிதா விஜயகுமார்.

இந்த வீடியோ இணையத்தில் வைரலாக பரவிய நிலையில் இளையராஜாவின் மூத்த மகனான இசையமைப்பாளர் கார்த்திக் ராஜாவும், வனிதாவும் காதலித்து வந்தார்களோ, அதனால் தான் அவர் மருமகளாக வரவேண்டியவர் என்றெல்லாம் சொன்னாரா என்றெல்லாம் நெட்டிசன்கள் மீம்ஸ் போட்டு வறுத்தெடுத்து வந்தனர்.

இந்நிலையில் சர்ச்சைக்கு x தள பக்கத்தில் விளக்கமளித்த வனிதா விஜயகுமார், கார்த்திக் ராஜா என்னுடைய சிறந்த நண்பர்..அவருடைய மனைவியும் என்னுடைய சிறந்த நண்பர்.. தயவுசெய்து அவருடைய பெயரை இதில் கொண்டு வராதீர்கள் என்று குறிப்பிட்டுள்ளார்.

அதுமட்டுமில்லாமல் ராஜா அப்பா எனக்கு கடவுள் மாதிரி.. ஆமாம், நான் அவருடைய சொந்தக்காரர் மாதிரிதான், அந்தக் குடும்பம் என்னை அப்படித்தான் நடத்துகிறது எதுவாக இருந்தாலும் சட்டப்படி விளைவுகளை சந்திப்பேன் என்று தெரிவித்துள்ளார்.