திருப்புவனத்தில் கோவில் காவலாளி அஜித்குமார் போலீசாரால் அடித்துக் கொல்லப்பட்ட வழக்கின் விசாரணை அறிக்கை உயர்நீதிமன்ற அமர்வில் தாக்கல்

அஜித்குமார் மரணம் தொடர்பாக, உயர்நீதிமன்ற அமர்வின் உத்தரவுபடி, நீதிபதி ஜான் சுந்தர்லால் சுரேஷ் விசாரணை நடத்தினார்

அஜித்குமார் படுகொலை தொடர்பாக 4 நாட்கள் விசாரணை நடத்திய நீதிபதி, தனது அறிக்கையை உயர்நீதிமன்ற அமர்வில் தாக்கல் செய்தார்

மதுரை மாவட்ட நீதிபதியின் விசாரணை அறிக்கையை தேவைப்படின் மனுதாரர் தரப்பு வழக்கறிஞர், பதிவாளர் மூலம் பெற்றுக்கொள்ளலாம்

வழக்கு விசாரணையின் வெளிப்படைத் தன்மைக்காக, மனுதாரர் தரப்புக்கு விசாரணை அறிக்கையை தர முடிவு - உயர்நீதிமன்ற அமர்வு

விசாரணை அறிக்கையை ஆய்வு செய்தபோது, விதிமீறல் இருப்பதும், குற்றம் நடந்ததற்கான முகாந்திரம் இருப்பதும் தெரியவருகிறது - நீதிபதிகள்

இதுபோன்ற வழக்குகளில் சம்பந்தப்பட்ட காவல்துறையினரே வழக்கை விசாரித்தால் நீதி, உண்மை வெளிவராது எனும் சந்தேகம் எழுகிறது - நீதிபதிகள்

அஜித்குமார் வழக்கில் சந்தேகம் எழுவதாலேயே சுதந்திரமான விசாரணை அமைப்புக்கு உத்தரவிடப் படுகிறது - நீதிபதிகள்

அஜித்தின் மரண வழக்கை விசாரிப்பதற்கான அலுவலர்களை சிபிஐ இயக்குநர் 1 வாரத்தில் நியமிக்க மதுரை அமர்வு உத்தரவு

விரிவான விசாரணையை மேற்கொண்டு, இறுதி அறிக்கையை சம்பந்தப்பட்ட நீதிமன்றத்தில் ஆக.20ல் தாக்கல் செய்ய வேண்டும் - உயர்நீதிமன்ற அமர்வு

அஜித்தின் குடும்பத்தினருக்கு (monitory compensation) இடைக்கால இழப்பீடு வழங்குவது பற்றி முடிவெடுக்க அவகாசம் கோரிய அரசு தரப்பு

அரசுத்தரப்பில் பதில் அளிக்க 2 வார கால அவகாசம் கோரியதால், வழக்கை 2 வாரங்களுக்கு ஒத்திவைத்து உத்தரவு