ஜன நாயகன் படத்தின் செல்பி ஷூட்டிங்கில் பங்கேற்ற ரீத்தா என்கிற திண்டுக்கல் ரீட்டா தான், பொதுப்பணித்துறை பொறியாளரை ஆபாச படம் எடுத்து லட்சக்கணக்கில் பணம் பறித்த புகாரில் கைதாகி இருக்கும் த.வெ.க பெண் நிர்வாகி..!

திண்டுக்கல் நத்தம் சாலையில் வசித்து வரும் பொதுப்பணித்துறை பொறியாளர் ஒருவருடன், ரீத்தாவுக்கு திருமணம் தாண்டிய உறவு இருந்துள்ளது. அப்போது அவருடன் தனிமையில் இருந்ததை வீடியோவாக எடுத்து வைத்திருந்த ரீத்தா, அதனை காண்பித்து மிரட்டி அவரிடம் இருந்து கொஞ்சம் கொஞ்சமாக சில லட்சங்கள் வரை பணத்தை கறந்ததாக கூறப்படுகின்றது.

இந்த நிலையில் ஒரு கட்டத்தில் அளவுக்கதிகமாக பணம் கேட்டு மிரட்டியதால் என்ன செய்வதென்று தெரியாமல் குழம்பிய அந்த அதிகாரி, காவல்துறையினரின் உதவியை நாடினார். இதையடுத்து திண்டுக்கல் தாடிக்கொம்பு காவல் நிலைய போலீசார் ரீத்தாவை பிடித்து விசாரித்த போது , பணம் பறித்தது உறுதியானதால் ரீத்தாவை கைது செய்ததாக போலீசார் தெரிவித்தனர்.

ஏற்கனவே ரீத்தா மீது ஐ.ஏ.எஸ் அதிகாரி ஒருவரை இது போன்று ஆபாச வீடியோ எடுத்து மிரட்டி பணம் பறித்த வழக்கு மற்றும் கஞ்சா வழக்கு நிலுவையில் இருப்பதாக காவல்துறையினர் தெரிவித்தனர். கைது செய்யப்பட்டவை ரீத்தாவை நீதிமன்றத்தில் ஆஜர்படுத்தி நிலக்கோட்டை மகளிர் சிறைச்சாலையில் அடைத்தனர். இதே பிளாக் மெயில் வேலையாக சுற்றி வந்த திண்டுக்கல ரீட்டா சிறை பறவையாகி ஜெயிலில் கம்பி எண்ணி வருகின்றார்.