பயணம் என்பது யாருக்கு தான் பிடிக்காது. பயணம் நம் கண்களுக்கு மட்டுமல்ல, உடலுக்கும், உள்ளத்திற்கு புத்துணர்ச்சியை அளிக்க கூடியது.

வெளிநாடுகளில் உள்ள புதிய இடங்களுக்கு சென்று, அங்கு வீதிகளில் அலைந்து திரிந்து, தங்களது சிறப்பான தருணங்களை பகிர்ந்து வரும் தாய்-மகன் ஜோடியின் பதிவு அனைவரின் கவனத்தையும் ஈர்த்துள்ளது.

இவர்களின் உலகளாவிய பயண சாகசங்களின் வீடியோ இப்போது சமூக ஊடகங்களில் வைரலாகி வருகிறது.

45 வயதாகும் லோகேஷ், 75 வயதான தர்மனி என்ற தனது தாயுடன் ஒரு தனித்துவமான பயணத்தை கடந்த 10 ஆண்டுகளுக்கு முன், தொடங்கியிருக்கிறார்.

தற்போது இவர்கள் 15க்கும் மேற்பட்ட வெளிநாடுகளுக்கு சென்று, அதன் வீடியோகளை தங்களது இன்ஸ்டாகிராமில் பகிர்ந்து வருகின்றனர்.

என்னதான் ஒன்றாக பல்வேறு நாடுகளுக்கு தாய் மற்றும் மகன் பயணங்களை மேற்கொண்டாலும், வாயும், வயிறும் வேறல்லவா? ஆம் அதுபோல தான் இவர்களது ரசனைகள் வெவ்வேறாகவே இருக்கிறது.

லோகேஷ், யாரிடமும் வெளிப்படையாக பேச மாட்டார். ஆனால் அவரது தாய்வெளிப்படையாகப் பேசக்கூடியவர். அதேபோல், லோகேஷ் எந்த நாட்டிற்கு செல்கிறாரோ, அந்த நாட்டின் உணவை சுவைத்து பார்பதில் ஆர்வம் கொண்டவர்.

ஆனால் அவர் தாய் தர்மனி பெரும்பாலும் இந்திய உணவு வகைகளை கடைப்பிடிக்கின்றாராம். லோகஷுக்கு தொடர்ந்து நடக்கப் பிடிக்கும்.

ஆனால் தாய் தர்மனிக்கோ சவாரி செய்ய வேண்டும். ஆனால் தனது தாயை இடைவிடாமல் நடக்கச் செய்துவருகிறார் லோகேஷ். அதுமட்டுமின்றி, அவருக்கு புதிய புதிய உணவுகளையும் அறிமுகம் செய்தும் வருகிறார்.

லோகேஷின் தந்தை கடந்த 10 ஆண்டுகளுக்கு முன் உயிரிழந்தார். தாயின் தனிமை எண்ணத்தை போக்கவும், அவருக்கு மிகவும் விரும்பான விஷயங்களைச் செய்ய வேண்டும் என உணர்ந்த லோகேஷ் இப்படியொரு தனித்துவமான பயணத்தைத் தொடங்க முடிவு செய்திருக்கிறார்.

தற்போது இந்த தாய்-மகன் ஜோடி கடந்த 10 ஆண்டுகளாக 12 முதல் 15 நாடுகளுக்கும், எண்ணற்ற நகரங்களுக்கும் பயணம் செய்துள்ளனர்.

தான் குழந்தையாக இருந்தபோது, ​​தாங்கள் தங்கியிருந்த டெல்லியின் அப்பு கர் பகுதியைத் தாண்டியது இல்லை. ஆனால் இப்போது உலகையே சுற்றிவருகிறோம்.

இதன் மூலம் சிறப்பான நேரம், சக்தி மற்றும் உலகளாவிய விவகாரங்களை எங்களால் அறிய முடிகிறது!. ”நீங்கள் இதைப் படிக்கிறீர்கள் என்றால், தயவுசெய்து எங்களுக்காக ஒரு சிறப்பு பிரார்த்தனையைச் செய்யுங்கள் என கூறியிருக்கிறார்.

தாய்-மகனின் இந்த அன்பான டிரவல் வீடியோ காட்சியானது, இன்ஸ்டாகிராமில் 1.2 மில்லியனுக்கும் அதிகமான பார்வைகளுடன் வைரலானது. இந்த வீடியோவை பார்த்த பலரும், வாழ்த்துகளையும், பாசிடீவ் கமெண்டகளையும் தெரிவித்துவருகின்றனர்.