BIG STORIES
61 வயதில் 2-வது திருமணம்.. உலகின் 3-வது பணக்காரர் அமேசன் நிறுவனரின் அடங்காத ஆசை!
Jun 28, 2025 06:42 AM
199
அறுபதாவது திருமணம் செய்யும் வயதில், புதிதாகவே ஒரு திருமணத்தை செய்து, உலகையே ஜெலுசில் குடிக்க வைத்துவிட்டார், உலகின் மூன்றாவது பணக்காரரான
61 வயது, அமேசான் நிறுவனர் Jeff Bezos. மிதக்கும் நகரமான இத்தாலியின் அழகிய வெனிஸ் நகரில், தனது 55 வயது காதலி Lauren Sanchez-ஐ ஊரறிய ம்ஹூஹூம் உலகறிய கரம்பிடித்துள்ளார்.
ஹாலிவுட் நட்சத்திரங்கள், அரசியல் தலைவர்கள் மற்றும் உலகளாவிய பிரபலங்களை கொண்ட சிறப்பான விருந்தினர்களுடன் இந்த பிரமாண்ட திருமணம் 3 நாட்கள் கொண்டாடப்பட்டிருக்கிறது.
திருமணத்தை ஒரு பிரமாண்டமான நிகழ்வாகவே மாற்றியதால், திருமண விழாவில் விருந்தினர்கள் யார் யார் இருக்கிறார்கள் என்பது கூட பலரிடையே ஆர்வத்தை ஏற்படுத்தியது.
கடந்த 2019 ஆம் ஆண்டு முதல் ஜெஃப் பெசோஸ் மற்றும் லாரன் சான்செஸ் இருவரும் காதலித்து வந்தனர். இதனைத் தொடர்ந்துதான் இத்தாலியில் வியாழக்கிழமை முதல் சனிக்கிழமை வரை நடைபெற்ற திருமண விழாவிற்காக, உலக பிரபலங்கள் வெனிஸில் குவிந்தனர்.
அமேசான் நிறுவனர் Jeff Bezos -ன் தற்போதைய சொத்து மதிப்பு ரூ.18 ஆயிரம் கோடி என கூறப்படுகிறது. தனது முதல் மனைவியான மெக்கன்சி ஸ்காட்டை 2020 ஆம் ஆண்டு விவாகரத்து செய்தார். தொடர்ந்து தொலைக்காட்சி செய்தி வாசிப்பாளரான Lauren Sanchez-ஐ காதலித்து வந்தார். இந்தநிலையில், தனது காதலியை உலகறிய கரம் பிடிக்க ஜெஃப் பெசோஸ் முடிவு செய்தார். இருவரின் திருமணம் இத்தாலியின் வெனிசில் மூன்று நாட்கள் கோலாகலமாக நடந்து முடிந்தது
இந்த பிரமாண்ட திருமணத்தின் மொத்த செலவு, ராய்ட்டர்ஸ் வெளியிட்ட தகவலின்படி, சுமார் 388 கோடி ரூபாய் முதல் 460 கோடி ரூபாய் என கூறப்படுகிறது. இது வெறும் திருமணமல்ல, உலகமே கவனம் செலுத்தும் ஒரு பிரபல நிகழ்வாக மாறியுள்ளது.
SHARE
Max characters : 500
RELATED POSTS
ABOUT US
Polimer News is an Indian television channel based in Chennai, India. It was launched by Kalyana Sundaram as a local TV station in Salem, which was carried only on subscription providers. It later changed its programming to an entertainment network and expanded its coverage area to the whole State of Tamil Nadu