உலகின் மிகச் சிறந்த போர் விமான​மாக அமெரிக்​கா​வின் பி-2 விமானம் கருதப்​படு​கிறது. மொத்​தம் 172 அடி அகலம், 69 அடி நீள​முடைய இந்த விமானத்தை ரேடாரில் கூட கண்​டறிய முடி​யாது. 30 ஆயிரம் கிலோ அணு குண்​டு​களை சுமந்து செல்​லும் திறன் கொண்டது.

தொடர்ந்து 11,000 கி.மீ. வரை தரையிறங்காமல் பறக்க கூடிய, இந்த பி-2 ரகபோர் விமானங்கள் வேறு எந்த நாட்​டிட​மும் இல்​லை.

அந்​தளவுக்கு உலகிலேயே மிக சக்தி வாய்ந்த பி-2 ரக விமான வடிவ​மைப்​பில் இந்தியர் நோஷிர் ஷெரியார்ஜி கவுடியா என்பவருக்கும் பங்கு உண்டு. ச

மீபத்தில் ஈரான் மீது பி-2 ரக விமானம் தாக்குதல் நடத்திய நிலையில், தற்போது அவரை பற்றிய தகவல்கள் மீண்டும் பேசுப்பொருளாக மாறியிருகின்றன.

கடந்த 1944-ம் ஆண்டு ஏப்ரல் மாதம் 11 ஆம் தேதி மும்பையில் பிறந்தவர் நோஷிர் ஷெரியார்ஜி கவுடியா.

பார்சி குடும்பத்தில் பிறந்த கவுடியா சிறு வயதிலேயே மிக​வும் புத்​தி​சாலி​ குழந்தையாக இருந்​துள்ளார்.

இதனால், தனது 15-வது வயதிலேயே பிஎச்​.டி பட்​டத்​துக்கு நிக​ரான பட்​டம் பெற்​றுள்​ளார். அதன்​பிறகு 19-வது வயதில் ஏரோ​நாட்​டிக்​கல் இன்​ஜினீயரிங் படிப்​ப​தற்​காக அமெரிக்கா​வுக்கு சென்​றார்.

அதைத்தொடர்ந்து வெர்​ஜினி​யா​வில் உள்ள நார்த்​ராப் என்ற நிறு​வனத்​தில் பணி​யில் சேர்ந்​தார். இந்த நிறு​வனம் விண்​வெளி கருவி​கள் மற்றும் ஆயுதங்களை உற்பத்தி செய்து வந்தது. அங்குதான் பி-2 விமான வடிவமைப்பில் கவுடியா ஈடுபட்டுள்ளார்.

குறிப்பாக பி-2 விமானத்​தின் உந்து சக்தி பிரிவுக்கு இவர் உதவியுள்ளார்.

அதன்பின்​னர், நார்த்​ராப் நிறு​வனத்​தில் இருந்து விலகி, சொந்​த​மாக பாது​காப்​புத் ஆலோ​சனை நிறு​வனத்தை தொடங்கி உள்​ளார்.

அதைத்தொடர்ந்து லாஸ் அலமோஸில் அமெரிக்க உளவு நிறு​வனம் சிஐஏ விமானங்​கள் மற்​றும் அணு ஆயுதங்​கள் குறித்து ஆலோ​சனைகளை வழங்கியுள்ளார்.

அதையடுத்து 1999ஆம் ஆண்டு தனது நிறுவனத்தை விரிவுப்படுத்த நினைத்த கடந்த கவுடியா, அதற்கான திட்​டங்​களை செயல்​படுத்த நிறைய பணம் தேவைப்​பட்​ட​தால், வெளி​நாடு​களில் இருந்து வாடிக்​கை​யாளர்​களை தேடி​னார். அப்​போது​தான் கவுடியாவுக்கு சீனா​வுடன் தொடர்பு ஏற்​பட்டது.

அதைத்தொடர்ந்து, 3 முறை சீனா​வுக்கு சென்று வந்த கவுடி​யா, பி-2 விமானத்​துக்​குப் பயன்​படுத்​தும் உந்து சக்தி பற்​றிய தகவல்​களை வழங்கியுள்​ளார்.

அந்த தகவல்​களை வைத்து ரேடாரில் சிக்​காத போர் விமான தயாரிப்​பில் சீனா ஈடு​பட்​டது. அப்​போது கவுடி​யா​வுக்கு ஒரு லட்​சத்து 10 ஆயிரம் அமெரிக்க டாலரை சீனா வழங்​கிய​தாக கூறப்​படு​கிறது.

பின்னர், அடுத்த சில ஆண்​டு​களில் அமெரிக்​கா​வின் பி-2 விமானத்தை போலவே சீன விமான தளங்​களில் போர் விமானம் நிறுத்தி வைக்​கப்​பட்​டிருந்​ததை செயற்​கைக் கோள்​கள் புகைப்​படம் எடுத்து காட்​டின. இது அமெரிக்காவுக்கு பெரும் அதிர்ச்​சியை ஏற்​படுத்​தி​யது.

அதன்​பின் உஷா​ரான அமெரிக்க புல​னாய்வு அமைப்பு எப்​பிஐ, ஹவா​யில் தங்​கி​யிருந்த கவுடி​யாவை கடந்த 2005 ஆம் ஆண்டு அக்​டோபர் மாதம் 26 ஆம் தேதி கைதுசெய்​தது.

மேலும் அவர் மீது தேசிய பாது​காப்பு ரகசி​யங்​களை வெளி​நாடு​களுக்கு விற்​றது, ஆயுதங்​கள் ஏற்​றுமதி கட்​டுப்​பாடு சட்​டத்தை மீறியது, உளவு பார்த்​தது போன்ற 14 குற்​றச்​சாட்​டு​கள் சுமத்​தப்​பட்​டன.

அதைத்தொடர்ந்து, இந்த வழக்​கு​களில் கவுடி​யா​வுக்கு கடந்த 2011 ஆம் ஆண்டு, 32 ஆண்டு சிறை தண்டனை விதிக்கப்பட்டது.

தற்​போது 81 வயதாகும் கவுடியா, அமெரிக்​கா​வின் கொல​ராடோ​வின் பிளாரன்ஸ் சிறை​யில் தண்​டனை அனுப​வித்து வரு​கிறார் எனபது குறிப்பிடத்தக்கது.