போதைப்பொருள் பயன்படுத்திய வழக்கில் நடிகர் ஸ்ரீகாந்த்தை தொடர்ந்து, கழுகு பட நடிகர் கிருஷ்ணா மற்றும் போதைப்பொருள் சப்ளையர் கெவின் ஆகியோர் கைது செய்யப்பட்டுள்ளனர்.

வங்கி பணப்பரிவர்த்தனை மற்றும் இதுவரை கைப்பற்றப்பட்ட போதைப் பொருட்கள், தொழில் நுட்ப ஆதாரங்கள் அடிப்படையில் இருவரும் கைது செய்யப்பட்டுள்ளதாக காவல் துறை தெரிவித்துள்ளது.

கெவின் மூலமாகத்தான் ரகசிய code பயன்படுத்தி கிருஷ்ணா போதை பொருளை வாங்கியுள்ளார் என்றும், நண்பர்களுடன் இணைந்து, பகிர்ந்து பயன்படுத்தும் பழக்கம் உள்ளவராக இருந்திருக்கிறார் எனவும் போலீசார் தெரிவித்துள்ளனர்.

WhatsApp குழு உதவியுடன் திரைத்துறையைச் சேர்ந்த பலரும், அவரது கல்லூரி நண்பர்களும் நடிகர் கிருஷ்ணா மூலம் போதைப் பொருளை பயன்படுத்தி இருக்கிறார்கள் என்றும் போலீசார் கூறியுள்ளனர்.

அதன் அடிப்படையில் நடிகர் கிருஷ்ணாவின் கல்லூரி கால நண்பர்கள் இருவரை போலீசார் விசாரணை வளையத்தில் வைத்துள்ளனர்.