நடிகர் ஸ்ரீகாந்துடன் தொடர்புடைய போதைப்பொருள் வழக்கில் நேற்று காலை முதல் 2ஆம் நாளாக நடிகர் கிருஷ்ணாவிடம் போலீசார் தொடர்ந்து விசாரணை நடத்துகின்றனர்.

வழக்கில் ஏற்கனவே கைது செய்யப்பட்ட நபர்களுடன் தொடர்பில் இருந்தாரா? அவர்களுடன் பணப் பரிமாற்றங்கள் நடைபெற்றதா என கிருஷ்ணாவிடம் போலீசார் கேள்வி எழுப்பியதாக கூறப்படுகிறது. இதையடுத்து, சென்னை பெசன்ட் நகரில் உள்ள அவரது வீட்டிலும், கார் உள்ளிட்டவற்றிலும் போலீசார் சோதனை நடத்தியுள்ளனர்.

அதேபோல், கிருஷ்ணாவின் சமூக வலைதளக் கணக்குகள், வாட்ஸ் அப் குழுக்கள் ஆய்வு செய்து போதைப் பொருள் தொடர்பான கருத்து பரிமாற்றங்கள் உள்ளதா என்றும் சைபர் போலீசார் உதவியுடன் விசாரணை நடைபெறுவதாக கூறப்படுகிறது.

இதனிடையே, கடந்த ஆண்டு ஆஞ்சியோ சிகிச்சை எடுத்துக் கொண்டதற்கான மருத்துவ ஆவணங்களை வழங்கிய கிருஷ்ணா, உயர்ரக போதை பொருட்களை பயன்படுத்தும் அளவுக்கு தனது உடல்நிலை இல்லை என தெரிவித்ததாக சொல்லப்படுகிறது.