சென்னையில் வார இறுதி நாட்களில் பன்னாட்டு நிறுவனங்களில் பணிபுரிவோர் பப்புகளில் ஆடி பாடி தங்கள் மன இருக்கத்தை போக்குவது வழக்கம். அந்தவகையில் சென்னை ஸ்ரீபெரும்புதூரில் உள்ள கார் தயாரிப்பு நிறுவனம் ஒன்றின் ஐ.டி பிரிவில் பணிபுரிந்து வரும் 21 வயதான இளம் பெண் ஊழியர் இவர் தனது தோழிகளுடன் வார இறுதி நாட்களில் பப்புக்கு செல்வதை வாடிக்கையாக்கி உள்ளார்.

அந்த வகையில் ஆண் நண்பர்கள் மற்றும் தோழிகளுடன் ஃபப்பில் ஆட்டம் போடும் போது நாகர்கோவில் வடசேரியை சேர்ந்த ஷாகின் என்ற 23 வயது இளைஞருடன் பழக்கம் ஏற்பட்டுள்ளது. ஷாகினை பார்த்தவுடன் அந்த பெண்ணுக்கு பிடித்து போனதால் இருவரும் செல்போன் நம்பரை பகிர்ந்து கொண்டு பேசி நட்பை வளர்த்து வந்தார். ஷாகின் பிரபல செரும்பு நிறுவன டீலர் என்பதால் லட்சங்களில் பிசினஸ் செய்வதாக கூறி அந்த பெண்ணை தனது காதல் வலைக்குள் கொண்டு வந்ததாக கூறப்படுகின்றது.

காதலின் அடுத்த கட்ட நகர்வுக்கு தயாரான ஜோடிகள் இருவரும் திங்கட்கிழமை இரவு திருவான்மியூரில் உள்ள ஓட்டல் ஒன்றில் அறை எடுத்து தங்கி உள்ளனர். இருவரும் படுக்கையில் பேசிக் கொண்டிருந்த போது தனது செல்போனை எடுத்த ஷாகின், அதில் வீடியோ காலை ஆன் செய்துள்ளார். எதிர் முனையில் நண்பர்கள் சிலர் வீடியோவில் தோன்ற, “ மக்கா பாத்தியா நான் யார் கூட இருக்கேன் பாரு” என்று கேமராவை டக்கென்று அந்த பெண் பக்கம் திருப்பி உள்ளார்.

இதனை சற்றும் எதிர்பார்க்காத அந்த பெண் ஊழியர் போர்வையை எடுத்து போர்த்தியபடி அந்த அறையில் உள்ள பாத்ரூமில் சென்று பதுங்கிக் கொண்டார். அங்கிருந்த படியே தான் நம்பி வந்த பாய் பிரண்டு செய்த விபரீத செயல் குறித்து தனது தோழிக்கு தகவல் தெரிவித்து தன்னை காப்பாற்றுமாறு உதவி கேட்டுள்ளார். இது குறித்து காவல்துறையினர் அவசர உதவி எண்ணுக்கு தகவல் தெரிவிக்கப்பட்டது.

உடனடியாக சம்பவம் நடந்த ஓட்டலுக்கு சென்ற போலீசார் அங்கு சோதனை நடத்தி குளியலறையில் பயந்து போய் பதுங்கி இருந்த அந்த பெண்ணை மீட்டனர். அந்த இளைஞர் ஷாகினை பிடித்து போலீசார் விசாரித்தனர். ஒரு பெண்ணை அவரது அனுமதி இல்லாமல் படம் பிடித்த குற்றத்துக்காக ஷாகினை போலீசார் கைது செய்தனர். ஆண் நண்பரை நம்பிச்சென்று விபரீத வில்லங்கத்தில் சிக்கிய பெண்ணை எச்சரித்து போலீசார் அவர் தங்கி இருக்கும் இடத்துக்கு அனுப்பி வைத்தனர்.

ஆண் நண்பர்கள் உடனான நட்பு 100 சதவீதம் பெண்களுக்கு பாதுகாப்பாக இருக்கும் என்று சொல்ல முடியாது சூழ் நிலையை பொறுத்த்யு அது விபரீதத்தில் சிக்கவைத்து விடும் எனவே மனம் விட்டு பேசலாம் என்று ஓட்டல் அறைகளை தேடிச்செல்லும் இளம் பெண்கள் கூடுமானவரை உஷாராக இருக்க வேண்டும். இப்படிப்பட்ட வில்லங்கமான ஆண் நண்பர்களின் செல்போன் பதிவுகளால் தான், சமூக வலைதளங்களில் லட்சக்கணக்கான ஆபாச வீடியோக்கள் பதிவேற்றம் செய்யப்படுகின்றது.

இதே போன்று தன்னுடன் வரும் பெண்களை வீடியோ எடுத்து மிரட்டி பணம் பறித்த வழக்கில் கைதான நாகர் கோவில் காசிக்கு சாகும் வரை சிறை தண்டனை வழங்கப்பட்டுள்ளது. ஊருக்கு நான்கு காசிகள் இருப்பார்கள் அவர்களிடம் உஷாராக இருக்க வேண்டியது புதிய நட்புக்களை நாடிச்செல்லும் பெண்களின் பொறுப்பு என்று சுட்டிக்காட்டுகின்றனர் போலீசார்.

விருப்பத்தின் பேரில் செய்தாலும்... விரும்பதகாத செயலை செய்தாலும் ... இது போன்ற விபரீத செயல்கள் பெருங்குற்றம்.. அந்த குற்றம் கேடு தரும்..!