அண்மையில் குபேரா திரைப்படத்தின் இசை வெளியீட்டு விழாவில் நடிகர் தனுஷ் பேசிய காணொளி இணையத்தில் வைரலாக பரவி வருகிறது.

மேடையில் பேசிய தனுஷ், இந்த கலிகாலத்தில் இயக்குனர் சேகர் கம்முலாவை போல ஒருத்தரை பார்த்தது எனது பாக்யம், சூப்பர் டைரக்டர்னு அவரை நம்பி போனதுக்கு திருப்பதி அடிவாரத்துல, நடு ரோட்டுலயே "அம்மா..தாயேனு பிச்சை எடுக்க விட்டுட்டாரு" என கூற அரங்கமே சிரிப்பலையில் அதிர்ந்தது.

படத்திற்காக தானும் நடிகை ராஷ்மிகாவும், குப்பை கிடங்கு, குப்பை லாரி, சாக்கடைகளில் உருண்டு புரண்டதாவும், இயக்குனரிடம் அது பொய்யான குப்பை தான சார்னு கேக்குறப்போ, இல்லை, இல்லை அது உண்மையான குப்பை தான்னு சொன்னாரு, அதுவும் நல்ல எக்ஸ்பீரியன்ஸா இருந்துச்சு என தனுஷ் கூறியுள்ளார்.

என்ன பத்தி எவ்ளோ வதந்தி வேணாலும் பரப்புங்க, நெகட்டிவிட்டிய பரப்புங்க, படம் ரிலீசுக்கு ஒரு மாசம் முன்னாடி நெகட்டிவிட்டி கேம்பைனை கூட ஏற்பாடு பண்ணுங்க, அந்த கண்ணுக்கு தெரியாத கையும், என்னோட ரசிகர்களும் இருக்குற வரைக்கும் நான் போயிட்டே இருப்பேன் என்று தனுஷ் தெரிவித்துள்ளார்.

தம்பிங்களா ஓரமா போய் விளையாடுங்க, வதந்தி பரப்பி காலி பண்ணிரெல்லாம்னு நினைச்சா ஒரு செங்கலை கூட அசைக்க முடியாது என ரஜினி பாணியில் தனுஷ் சொன்னதும், அவரின் ரசிகர்களின் சத்ததால் மேடையே அதிர்ந்தது.

காதல் கொண்டேன் தனுஷின் கதாபாத்திரம் தற்போதைய தனுஷிடம் கேள்வி கேட்பது போல நிகழ்ச்சியில் ஏற்பாடு செய்யப்பட்டிருந்தது. அப்போது கோலிவுட்ல எந்த பிரச்னை வந்தாலும் உன் பேருல தான் எழுதுறாங்க இதை எப்படி சமாளிக்குற? என கேள்வி கேட்டதற்கு தனது ரசிகர்கள் பக்கம் கையை நீட்டினார் தனுஷ்.

அது மட்டுமில்லாமல் தனக்கு நடிப்பை விட இயக்கத்தின் மீது தான்ஆர்வம் அதிகம்,ஆனால் ரசிகர்கள் தனது படத்தை எதிர்பார்த்து காத்துக்கொண்டிருப்பதால் படம் இயக்குவதை ஓரமாக வைத்து விட்டு நடிப்பிற்கு திரும்பியுள்ளதாகவும் தனுஷ் பதிலளித்துள்ளார்.