விபத்துக்குள்ளான விமானத்தின் லேண்டிங் கியர் உட்செலுத்த கூடுதல் நேரம் எடுத்துக் கொண்டதாக மூத்த விமானிகள் கருத்து தெரிவித்துள்ளனர்.

விமான விபத்துக்கு முந்தைய காட்சிகளைப் பார்க்கும்போது சில முரண்பாடுகள் இருப்பதாகவும், மேல்நோக்கி இருக்க வேண்டிய லேண்டிங் கியர் கீழ்நோக்கி இருப்பதாகவும் பிரிட்டிஷ் ஏர்வேஸின் முன்னாள் விமானி அலெஸ்டர் ரோசன்ஷெய்ன் குறிப்பிட்டார்.

குறைந்த வேகத்தில் விமானம் புறப்பட்டு திறம்பட பறக்க உதவும் வகையில், இறக்கை மடிப்புகள் சரியாக அமைக்கப்பட்டிருக்க வேண்டும் என்றும் அலெஸ்டர் தெரிவித்தார்.

ஓடுபாதையில் விமானத்தின் புறப்பாடு அசாதாரண நிலையில் இருந்ததாக யுனைடெட் ஏர்லைன்ஸ் முன்னாள் விமானி லாரா சாவினோ தெரிவித்தார்.

விமானத்தின் மூக்குப்பகுதி 15 டிகிரி உயரத்தில் மேல்நோக்கி செல்ல வேண்டும் என்றும், அதில் சிரமம் இருப்பது போல் வீடியோ காட்சிகளில் தெரிவதாகவும் அவர் குறிப்பிட்டார்.

லேண்டிங் கியர் வழக்கத்தைவிட சற்று நேரம் கீழே இருந்ததாக மற்றொரு பிளைட் ரேடார் இயக்குநர் ஐயன் பெச்சனிக் தெரிவித்தார்.