தமிழ்நாடு அரசுப் போக்குவரத்துக் கழகம் கும்பகோணம் மண்டலம் சார்பில், கடந்த 13ம் தேதி முதல் கும்பகோணம் to தஞ்சாவூர் மற்றும் தஞ்சாவூர் to கும்பகோணம் வழித்தடத்தில் இடைநில்லா அரசுப் பேருந்து சேவை அறிமுகம் செய்யப்பட்டுள்ளது.

50 கி.மீ. பயண தூரத்தை வெறும் 60 நிமிடங்களில் சென்றடையும் என்றும், இப்பேருந்து சேவைக்கு கட்டணமாக 40 ரூபாய் நிர்ணயம் செய்யப்பட்டுள்ளதாவும் தமிழ்நாடு அரசுப் போக்குவரத்துக் கழகம் தெரிவித்துள்ளது.

கும்பகோணத்தில் இருந்து காலை 5 மணி முதல் இரவு 10 மணி வரை, ஒரு மணி நேர இடைவேளையில் ஒரு இடைநில்லா பேருந்து இயக்கப்படும் என தெரிவிக்கப்பட்டுள்ளது.

இதேபோல் தஞ்சாவூரில் இருந்து காலை 5.30 மணி முதல் இரவு 10.30 மணி வரை, ஒரு மணி நேர இடைவேளையில் ஒரு இடைநில்லா பேருந்து இயக்கப்படும் என தெரிவிக்கப்பட்டுள்ளது.

முற்றிலும் புறவழிச்சாலை (ByePass Rider) வழியாக இயக்கப்படும் இப்பேருந்து சேவை, பயணிகளுக்கு வரப்பிரசாதமாக அமையும் என கருதப்படுகிறது.

இப்பேருந்து சேவைக்கான கால அட்டவணையையும் அரசுப் போக்குவரத்து கழகம் வெளியிட்டுள்ளது.