2018 ஆம் ஆண்டு 'ஒரு அடார் லவ்' என்ற மலையாள படத்தின் டீசர் வெளியானபோது, அதில் பள்ளி மாணவியாக நடித்த ப்ரியா வாரியர், புருவத்தை உயர்த்தி கண் அடித்த காட்சி ஒரே இரவில் படும் வைரலாக பரவி இணையத்தை ஆக்கிரமித்ததை யாரும் மறந்து விட முடியாது. அதன் மூலம் அவருக்கு ஏராளமான ரசிகர்களும் கிடைத்தனர்

இந்நிலையில் 7 ஆண்டுகளுக்கு பிறகு மீண்டும் நடிகை 'ப்ரியா வாரியர்' இணையத்தில் ரசிகர்களை கிறங்கடிக்க வைத்துள்ளார். அஜித்குமார் நடிப்பில் உருவான குட் பேட் அக்லி திரைப்படத்தில் "தொட்டு தொட்டு பேசும் சுல்தானா" பாடலை மீண்டும் ரீ-க்ரியேட் செய்யப்பட்டுள்ளது.

அதில் நடிகை ப்ரியா வாரியர், ஒரிஜினல் பாடலில் வரும் சிம்ரனை போலவே உடை அணிந்து டான்ஸ் ஆடும் காட்சி காண்போரை கவர்ந்துள்ளது. இதனை பார்த்த ரசிகர்கள் சமூக வலைத்தளங்களில் அந்த குறிப்பிட்ட வீடியோ மற்றும் புகைப்படங்களை பகிர்ந்து ப்ரியா வாரியரை சிம்ரனோடு ஒப்பிட்டும் வருகின்றனர்.

இதுகுறித்து ப்ரியா வாரியர் தனது இன்ஸ்டா பக்கத்தில் "தனது சினிமா கெரியரில் தனக்கு பிடித்த மொமண்ட் என்றால் அது "தொட்டு தொட்டு பேசும் சுல்தானா" பாடலுக்கு நடனமாடியது தான் என்றும் குறிப்பிட்டுள்ளார்.தனது கிடைத்த வரவேற்பால் மகிழ்ச்சி அடைந்துள்ள பிரியா வாரியர் படக்குழுவிருக்கும் ரசிகர்களுக்கும் நன்றி தெரிவித்திருக்கிறார்.