வழக்கு எண் 18ன் கீழ் 9, ஓநாயும் ஆட்டுக்குட்டியும், மாநகரம் போன்ற சிறந்த கதைகளை கொண்ட திரைப்படத்தில் நடித்து பலரின் மனங்களை கவர்ந்தவர் நடிகர் ஸ்ரீ. இவர் தனியார் தொலைக்காட்சியில் ஒளிபரப்பாகும் கனா காணும் காலங்கள் என்ற சீரியலிலும் நடித்துள்ளார். மேலும் பிக் பாஸ் நிகழ்ச்சியிலும் பங்கேற்ற இவர் 4 நாட்களிலேயே தனிப்பட்ட பிரச்னை காரணமாக அந்த நிகழ்ச்சியில் இருந்து வெளியேறினார்.

2023 ஆம் ஆண்டு வெளியான 'இறுகப்பற்று' திரைப்படத்தில் நடித்த பின்பு நடிகர் ஸ்ரீ என்ன ஆனார்? என பலரும் கேள்வி எழுப்பி வந்த நிலையில் அண்மையில் இன்ஸ்டாவில் வெளியான சில வீடியோக்கள் பலரையும் அதிர்ச்சியடைய வைத்துள்ளன.

நடிகர் ஸ்ரீ, உடல் மெலிந்து எலும்பும் தோலுமான தோற்றத்தோடு தனது நீண்ட தலைமுடியை கலர் செய்து கொண்டு, அரை நிர்வாணமாக ஆபாச சைகை காட்டுமாறு வீடியோ ஒன்று இணையத்தில் வைரலாக பரவி வருகிறது. இந்த வீடியோவை பார்த்த பலரும் அளவுக்கு அதிகமாக போதை பொருட்களை எடுத்துக் கொண்டதால் இப்படி மாறிவிட்டாரா? என கேள்வி எழுப்பி வருகின்றனர்.

திறமையான நடிகர் என ரசிகர்களால் பாராட்டப்பட்டவர் தற்போது ஆளே மாறி இருப்பது ரசிகர்களுக்கு வேதனையை அளித்துள்ளது. இது நிஜமாவே நடிகர் ஸ்ரீ தானா? அப்படி நடிகர் ஸ்ரீயாக இருந்தால் அவருக்கு மனரீதியான உதவிகள் கிடைக்க வேண்டும் என்பதும் ரசிகர்களின் வேண்டுகோளாக இருக்கிறது.