அமெரிக்காவை சேர்ந்த பெண் ஒருவர் , இன்ஸ்டாகிராம் மூலம் தன்னை காதலித்த இளைஞரை தேடி ஆந்திர மாநிலத்தில் உள்ள அவரது வீட்டுக்கே வந்து கரம் பிடித்துள்ளார். காதலனை தேடி நாடு விட்டு நாடு வந்த பின்னணி குறித்து விவரிக்கின்றது இந்த செய்தித்தொகுப்பு

“எம்புள்ள இருக்குற அழகுக்கு.. சீமையில இருந்து தான் பொண்ணு வரும்முன்னு ..” காக்கைக்கும் தன் குஞ்சு பொன் குஞ்சு என்ற நினைப்பில் சில தாய்மார்கள் கூறுவதுண்டு...!

அப்படி உண்மையிலேயே சீமையில் இருந்து சும்மா செக்க செவேள்ன்னு ஒரு பொண்ணு பிளைட்டில் இருந்து இறங்கி பையனை தேடி வீட்டுக்கே வந்தால் எப்படி இருக்கும் ?

அப்படி தான் திக்குமுக்காடி போனார் இளைஞர் சந்தன் சிங் ராஜ்புத்தின் தாய்..! அதுவும் அந்த பொண்ணு தாயுடன் வந்திருக்கிறார் திருமண சம்பந்தம் பேச..! டுவிஸ்ட்டுக்கு மேல் டுவிஸ்ட்..!

யார் அந்த அமெரிக்க மாப்பிள்ளை...விரிவாக பார்க்கலாம் இந்த செய்தித்தொகுப்பில் ...

30 வருஷத்துக்கு முன்பு வெளியாகி அண்மையில் டிரெண்டிங் ஆன சீ சீ பாடலில் வரும் ஹீரோ போல நீண்ட தலைமுடியுடன் ஊருக்குள் டல்லாக சுற்றிக் கொண்டிருந்த இளைஞர் சந்தன் சிங் ராஜ்புத்..!

இன்ஸ்டா கிராமில் அறிமுகமான அமெரிக்க பெண்ணான ஜாக்குலின் உடன் நட்பாக பழகி உள்ளார். புகைப்படக்கலைஞரான ஜாக்குலினை, தனது புகைப்பட கலையால் காதலில் வீழ்த்தி உள்ளார் சந்தன் சிங் ராஜ்புத். 14 மாதங்களாக வீடியோகாலில் காதலை வளர்த்து வந்த நிலையில் காதலனை நேரில் சந்தித்து வாழ்க்கையை அடுத்த கட்டத்தை நோக்கி நகர்த்த திட்டமிட்டிருக்கிறார் ஜாக்குலின்..!

அதன் படி தனது காதல் விவகாரத்தை தாயிடம் தெரிவிக்க, நம்ம ஊரு போல அரிவாளை தூக்கிட்டு விரட்டல... மகளோட ஆசையை கேட்டுட்டு தாயும் மகளும் அடுத்த பிளைட்ட புடிச்சி ஆந்திராவுல வந்து இறக்கிட்டாங்க...! தன்னை தேடி தன் அவள் வருகிறாள் என்று தெரிந்ததும் விமான நிலையத்துக்கே சென்று காதலியை கட்டியணைத்து வரவேற்று இருக்கின்றார்

காதலியை வீட்டுக்கு அழைத்துச்சென்றதும் சாந்தனின் தாயார் வரவேற்று அவர்களை உபசரித்த விதம் ஜாக்குலினையும் அவரது தாயரையும் ரொம்பவே கவர்ந்து விட்டது. காதலன் சாந்தனை தனது வாழ்க்கை துணையாக்கிக் கொண்டு அவரை அமெரிக்க அழைத்துச்செல்ல இருப்பதாக தனது மகிழ்ச்சியை ஜாக்குலின் , தங்கள் காதலுக்கு பிள்ளையார் சுழி போட்ட இன்ஸ்டா கிராமில் மகிச்சியுடன் பகிர்ந்துள்ளார்.

இவர்களின் நாடுகடந்த காதல் காண்போரை வியப்படைய செய்தாலும் , சாந்தன் சிங்கை திருமணம் செய்து கொண்டு அமெரிக்காவுக்கு அழைத்து செல்வது ஜாக்குலினுக்கு அவ்வளவு எளிதானது அல்ல என்றும் நிறைய பார்மாலிட்டிக்கள் இருப்பதாகவும் அக்கன்னா வைக்கின்றனர் சட்ட நிபுணர்கள்..! எது எப்படி இருந்தாலும் நாடு விட்டு நாடு வந்த காதலுக்கு ஜே..! என்பது தான் இன்ஸ்டா விரும்பிகளின் மன நிலையாக உள்ளது.