​​
Polimer News
Polimer News Tamil.
Advertisement
வோடஃபோன் ஐடியா திவால் ஆகும் நிலை?

Published : Nov 14, 2019 11:52 AM

வோடஃபோன் ஐடியா திவால் ஆகும் நிலை?

Nov 14, 2019 11:52 AM

மத்திய அரசு உதவி செய்யத் தவறினால், வோடஃபோன் ஐடியா நிறுவனம் திவால் ஆகும் நிலை ஏற்படலாம் என தகவல் வெளியாகியுள்ளது. ஆதித்யா பிர்லா குழுமமும், இங்கிலாந்தின் வோடஃபோன் குழுமமும் இணைந்த கூட்டு முதலீட்டு நிறுவனம் வோடஃபோன் ஐடியா.

இந்நிறுவனத்திற்கு 99 ஆயிரம் கோடி ரூபாய்க்கு மேல் கடன் உள்ளது. கடந்த ஜூன் மாதம் முடிவடைந்த காலாண்டில் 5 ஆயிரம் கோடி ரூபாய் அளவுக்கு இழப்பை சந்தித்தது. மேலும் புதிய வருவாய் பங்கீட்டுக் கொள்கையின்படி, வோடஃபோன் ஐடியா நிறுவனம் 39 ஆயிரம் கோடி ரூபாய்க்கு மேல் மத்திய அரசுக்கு செலுத்த வேண்டிய நிலை ஏற்பட்டுள்ளது. இந்த தொகையை செலுத்த வேண்டும் என உச்சநீதிமன்றமும் உத்தரவிட்டுள்ளது.

புதிதாக முதலீடுகள் செலுத்தப்பட்டால்தான் வோடஃபோன் ஐடியா நிறுவனத்தால் இந்த பிரச்சனைக்கு தீர்வு காண முடியும் என கூறப்படுகிறது.

ஆனால் ஆதித்யா பிர்லா நிறுவனம் புதிதாக முதலீட்டை செலுத்த தயாராக இல்லை என்று சொல்லப்படுகிறது. எனவே, 39 ஆயிரம் கோடி ரூபாய் செலுத்துவதில் இருந்து நிவாரணம் அளிக்கும் வகையில், மத்திய அரசு புதிய வருவாய் பங்கீட்டுக் கொள்கையை மாற்றியமைக்க தவறினால் வோடஃபோன் ஐடியா நிறுவனம் திவால் ஆகும் நிலை ஏற்படலாம் என தகவல் வெளியாகியுள்ளது.