​​
Polimer News
Polimer News Tamil.
Advertisement
பஞ்சாப் மகாராஷ்ட்ரா கூட்டுறவு வங்கியின் பிரச்சினைக்குத் தீர்வு இல்லை? வாடிக்கையாளர்கள் வேதனை

Published : Oct 21, 2019 6:35 AM

பஞ்சாப் மகாராஷ்ட்ரா கூட்டுறவு வங்கியின் பிரச்சினைக்குத் தீர்வு இல்லை? வாடிக்கையாளர்கள் வேதனை

Oct 21, 2019 6:35 AM

பஞ்சாப் மகாராஷ்ட்ரா கூட்டுறவு வங்கிகளில் பணம் முதலீடு செய்தவர்களின் எதிர்காலம் நிச்சயமற்றதாக காட்சியளிக்கிறது.

அவசர மருத்துவம் மற்றும் கல்வி செலவுகளுக்குக் கூட தாங்கள் சேமித்த பணத்தை எடுக்க முடியாத மன உளைச்சலுக்கு ஆளாகியுள்ள அந்த வங்கியின் வாடிக்கையாளர்கள் அண்மையில் டெல்லி மற்றும் மும்பை ரிசர்வ் வங்கி அலுவலகங்கள் முன்பு போராட்டம் நடத்தினர்.

கிட்டதட்ட ஒருமாதமாகியும் பிரச்சினைக்கு தீர்வு காணப்படாததால் பலர் ஏமாற்றத்துக்கு ஆளாகியுள்ளனர். மன உளைச்சல் மாரடைப்பு காரணமாக 3 பேர் உயிரிழந்தனர். சிறுக சிறுக சேமித்த பணம் அபகரிக்கப்பட்டு விட்டதாக வாடிக்கையாளர்கள் வேதனை தெரிவித்துள்ளனர்.

தொழிலதிபர்கள் சிலர் தங்கள் ஊழியர்களுக்கு ஊதியம் தர இயலவில்லை என புகார் அளித்துள்ளனர். வரிகள் மின்கட்டணம் செலுத்தவும் இயலாமல் காசோலைகள் திரும்பி விட்டதாக பலர் குமுறுகின்றனர்.