​​
Polimer News
Polimer News Tamil.
Advertisement
முதல் நாளிலேயே ஐஆர்சிடிசி பங்கு விலை 127 சதவீதம் அதிகரிப்பு

Published : Oct 14, 2019 4:50 PM

முதல் நாளிலேயே ஐஆர்சிடிசி பங்கு விலை 127 சதவீதம் அதிகரிப்பு

Oct 14, 2019 4:50 PM

ஐஆர்சிடிசி நிறுவனத்தின் பங்குகள் விலை, பங்குச்சந்தையில் பட்டியலிடப்பட்ட முதல் நாளிலேயே இரு மடங்குக்கு மேல் உயர்ந்துள்ளது.

இந்திய ரயில்வேயின் துணை நிறுவனமான ஐஆர்சிடிசி, ரயில் டிக்கெட் விற்பனை, குடிநீர் கேன் விற்பனை, கேட்டரிங் போன்ற சேவைகளில் ஈடுபட்டு வருகிறது.

மத்திய அரசின் நிதி திரட்டும் நடவடிக்கையின் கீழ், 650 கோடி ரூபாய்க்கு அந்த நிறுவனத்தின் 13 சதவீத பங்குகள் விற்கப்பட்டன. ஒரு பங்கு விலை 320 ரூபாய் என்று நிர்ணயிக்கப்பட்டிருந்த நிலையில், பங்குகளை வாங்க முதலீட்டாளர்களிடம் இருந்து 112 மடங்கு அதிகமாக விண்ணப்பங்கள் குவிந்தன. 

முதலீட்டாளர்களிடம் அமோக வரவேற்பு இருந்ததால் பட்டியலிடப்படும் நாளிலேயே பங்கு விலை கணிசமாக உயரும் என்று நிபுணர்கள் கணித்து இருந்தனர்.

இந்த நிலையில் இன்று பங்குச்சந்தையில் ஐஆர்சிடிசி பங்குகள் பட்டியலிடப்பட்டன.  வர்த்தக நேர முடிவில் பங்கு விலை 127 சதவீதம் உயர்ந்து 727 ரூபாயாக அதிகரித்தது.