​​
Polimer News
Polimer News Tamil.
Advertisement
சீனாவை பிரிக்க முயற்சிப்போர் இரும்புக் கரம் கொண்டு நசுக்கப்படுவார்கள்

Published : Oct 14, 2019 1:48 PM

சீனாவை பிரிக்க முயற்சிப்போர் இரும்புக் கரம் கொண்டு நசுக்கப்படுவார்கள்

Oct 14, 2019 1:48 PM

சீனாவை பிரிக்க முயற்சிப்போர் இரும்புக் கரம் கொண்டு நசுக்கப்படுவார்கள் என நேபாள பயணத்தின் போது சீன அதிபர்  ஜின்பிங் எச்சரித்துள்ளார்.

மாமல்லபுரம் பயணத்தை முடித்துக் கொண்டு நேபாளம் சென்ற சீன அதிபர், அந்நாட்டு அதிபர் பித்யா தேவி பண்டாரி, பிரதமர் கே.பி.சர்மா ஒலி ஆகியோரை சந்தித்து பேசினார். இருதரப்பு உறவுகள் குறித்து பேச்சு வார்த்தை நடத்திய அவர் முன்னிலையில் பல்வேறு புரிந்துணர்வு ஒப்பந்தங்களிலும் கையெழுத்திடப்பட்டது.

கடந்த 23 ஆண்டுகளில் சீன அதிபர் ஒருவர் நேபாள நாட்டுக்கு செல்வது இதுவே முதல் முறையாகும். இந்நிலையில் நேபாள அதிபருடன் நடைபெற்ற பேச்சுவார்த்தையின் போது, அந்நாட்டின் வளர்ச்சித் திட்டங்களுக்காக நேபாள மதிப்பில் 5 ஆயிரத்து 637 கோடி ரூபாய் நிதி உதவி அளிக்கப்படும் என ஜின்பிங் அறிவித்தார்.

மேலும் சீனாவை யாரேனும் பிரிக்க நினைத்தால் அந்த முயற்சி இரும்புக் கரம் கொண்டு நசுக்கப்படும் என சீன அதிபர் எச்சரித்துள்ளார். இது போன்ற முயற்சிகளை ஆதரிக்கும் வெளிப்புற சக்திகளை சீன மக்கள் பகல் கனவு காண்பவர்களாக தான் கருதுவார்கள் எனவும் ஜின்பிங் தெரிவித்ததாக, சீனாவின் அதிகாரப்பூர்வ செய்தி நிறுவனம் சின்ஹுவா செய்தி வெளியிட்டுள்ளது.