​​
Polimer News
Polimer News Tamil.
Advertisement
பிரதமர் மோடியின் சகோதரர் மகளின் கைப்பையை வழிப்பறி செய்தவன் கைது

Published : Oct 13, 2019 10:05 AM

பிரதமர் மோடியின் சகோதரர் மகளின் கைப்பையை வழிப்பறி செய்தவன் கைது

Oct 13, 2019 10:05 AM

டெல்லியில், பிரதமர் நரேந்திரமோடியின் சகோதரர் மகளின் கைப்பையை வழிப்பறி செய்தவனை போலீசார் கைது செய்தனர். பிரதமர் மோடியின் சகோதரரான பிரகலத் மோடியின் மகள் தமயந்தி பென் மோடி, அமிர்தரசில் இருந்து நேற்று காலை டெல்லி சென்றார்.

நேற்று காலை 7 மணி அளவில் ஆட்டோவில் சென்ற அவர், குஜராத்தி சமாஜ் பவன் என்ற இடத்தில் இறங்கிய போது, இருசக்கர வாகனத்தில் வந்த இரு மர்மநபர்கள் கைப்பையை பறித்துச் சென்றனர். இதுதொடர்பாக தமயந்தி பென் மோடி போலீசில் புகார் அளித்தார். அந்தக் கைப்பையில் 50 ஆயிரம் ரூபாய் பணமும், 2 செல்போன்களும், விமான டிக்கெட்டுகளும் இருந்ததாக புகாரில் அவர் கூறி இருந்தார்.

டெல்லி முதலமைச்சர் மற்றும் துணை நிலை ஆளுநர் வீடுகள் அமைந்துள்ள இடத்திற்கு அருகே நடைபெற்ற இந்த வழிப்பறிச் சம்பவம் அதிர்ச்சியை ஏற்படுத்தியது. இதுதொடர்பாக போலீசார் தீவிர விசாரணை மேற்கொண்டனர்.

சிசிடிவி காட்சிகளையும் கைப்பற்றி ஆராய்ந்தனர். அதில் வழிப்பறி கொள்ளையர்களின் உருவங்கள் பதிவாகி இருந்தன. இதை அடுத்து தேடுதல் வேட்டை நடத்திய போலீசார், பிரதமரின் சகோதரர் மகளிடம் வழிப்பறி செய்தவர்களில் ஒருவனைக் கைது செய்தனர். தமயந்தி பென் மோடியிடம் பறித்த பொருட்களையும் போலீசார் கைப்பற்றினர்.