​​
Polimer News
Polimer News Tamil.
Advertisement
பாலிவுட் நடிகர்களுடன் இணைந்து கால்பந்து விளையாடிய தோனி

Published : Oct 07, 2019 1:51 PM



பாலிவுட் நடிகர்களுடன் இணைந்து கால்பந்து விளையாடிய தோனி

Oct 07, 2019 1:51 PM

கிரிகெட் வீரர் எம்.எஸ்.தோனி, பாலிவுட் நடிகர் அர்ஜுன் கபூர் உள்ளிட்ட பிரபலங்களுடன் இணைந்து கால்பந்து விளையாடிய வீடியோ வெளியாகியுள்ளது.

மும்பையின் ஜுகு பகுதியில் அமைந்துள்ள ஜாம்நாபாய் நர்சி விளையாட்டு மைதானத்தில் பாலிவுட் திரைப்பட மற்றும் சின்னத்திரை நட்சத்திரங்கள் பங்கேற்ற கால்பந்து போட்டி நடைபெற்றது.

அதில் விளையாட்டு துறை சார்ந்த பிரபலங்களும் பங்கேற்று கால்பந்து விளையாடினர். கிரிக்கெட் போட்டிகளில் பங்கேற்காமல் இடைக்கால ஓய்வில் இருக்கும் இந்திய அணியின் முன்னாள் கேப்டன் எம்.எஸ்.தோனியும், கால்பந்தாட்டம் மீதான தனது ஆர்வத்தின் காரணமாக இந்த போட்டியில் பங்கேற்று விளையாடினார்.

மேலும் டென்னிஸ் வீரர் லியாண்டர் பயஸ், பாலிவுட் நடிகர் அர்ஜுன் கபூர் உள்ளிட்டோரும் தோனியுடன் இணைந்து கால்பந்து விளையாடினர்.

முன்னதாக பிரபலங்கள் அனைவரும் இணைந்து பயிற்சிகளிலும் ஈடுபட்டனர். பிரபலங்கள் பச்சை வண்ண உடையிலும், எதிரணியினர் ஆரஞ்சு வண்ண உடையணிந்தும் போட்டியிட்டனர். போட்டி முடிந்தவுடன் பிரபலங்களுடன் மற்ற வீரர்கள் புகைப்படம் எடுத்துக் கொண்டனர்.