​​
Polimer News
Polimer News Tamil.
Advertisement
படம் ஓடவேண்டும் என்பதற்காக தங்களை விஜய் தாக்குவதாக ஜெயக்குமார் பதிலடி

Published : Sep 23, 2019 9:39 AM

படம் ஓடவேண்டும் என்பதற்காக தங்களை விஜய் தாக்குவதாக ஜெயக்குமார் பதிலடி

Sep 23, 2019 9:39 AM

படம் ஓடவேண்டும் என்பதற்காக தங்களை தாக்குவதாகவும், அதிமுக பழுத்த மரம் என்பதால் கல்லடி படுவதாகவும், நடிகர் விஜய் விமர்சனம் தொடர்பாக அமைச்சர் ஜெயக்குமார் பதிலளித்துள்ளார். விஜய், கவுண்டமணி, செந்தில் என யார் வேண்டுமானாலும் கட்சி ஆரம்பிக்கலாம் என்றும் அவர் விமர்சித்துள்ளார்.

கோவாவில் வெள்ளிக்கிழமை நடைபெற்ற ஜிஎஸ்டி கவுன்சில் கூட்டத்தில் கலந்துகொண்ட பின்னர், அமைச்சர் ஜெயக்குமார் இன்று சென்னை திரும்பினார். விமான நிலையத்தில் செய்தியாளர்களிடம் பேசிய அவர், ஜிஎஸ்டி கவுன்சில் கூட்டத்தில் தமிழகத்தின் கோரிக்கைகள் ஒவ்வொன்றாக நிறைவேற்றித் தரப்படுவதாக கூறினார். ஜிஎஸ்டி கவுன்சில் கூட்டத்தில் எடுக்கப்பட்ட முடிவுகளால் தமிழகத்திற்கு என்ன நன்மை என அவர் விளக்கினார்.

நடிகர் விஜய் விமர்சனம் தொடர்பான கேள்விக்கு, பழுத்த மரம் என்பதால் அதிமுக கல்லடி படுகிறது என்றார்.

உலகத்திலேயே ஊழலுக்காக கலைக்கப்பட்ட ஒரே ஆட்சி என திமுகவையும் அவர் கடுமையாக விமர்சித்தார். செய்தியாளர்கள் தொடர்ந்து கேள்வி எழுப்பிக் கொண்டிருக்கவே, தொண்டைத் தண்ணீர் வற்றிவிட்டது என்னை விடுங்கள் என்று நகைச்சுவையாக கூறிவிட்டு அமைச்சர் ஜெயக்குமார் அங்கிருந்து சென்றார்.