​​
Polimer News
Polimer News Tamil.
Advertisement
1965, 1971 தவறுகளை பாகிஸ்தான் மீண்டும் செய்ய வேண்டாம்

Published : Sep 22, 2019 9:20 PM

1965, 1971 தவறுகளை பாகிஸ்தான் மீண்டும் செய்ய வேண்டாம்

Sep 22, 2019 9:20 PM

கடந்த 1965, 1971ஆம் ஆண்டுகளில் செய்த தவறுகளை மீண்டும் செய்ய வேண்டாம் என்று பாகிஸ்தானுக்கு பாதுகாப்புத் துறை அமைச்சர் ராஜ்நாத் சிங் எச்சரிக்கை விடுத்துள்ளார்.

பீகார் மாநிலம், பாட்னாவில் ஜம்மு-காஷ்மீருக்கு சிறப்பு அந்தஸ்து அளிக்க வகை செய்த 370ஆவது பிரிவு ரத்து செய்யப்பட்டது தொடர்பான பாஜகவின் ஜன் ஜக்ரான் (Jan Jagran programme) நிகழ்ச்சி நடைபெற்றது.

இதில் ராஜ்நாத் சிங் கலந்து கொண்டு பேசுகையில், பாகிஸ்தானில் பலூசிஸ்தான் மக்களுக்கு எதிராகவும், பஸ்தூன் மக்களுக்கு எதிராகவும் மனித உரிமை மீறல்கள் நடைபெறுவதாக குற்றம்சாட்டினார்.

கடந்த 1965 மற்றும் 1971ஆம் ஆண்டுகளில் செய்த தவறை மீண்டும் பாகிஸ்தான் செய்யக் கூடாது என்றும், அதே தவறை மீண்டும் செய்தால், மேலும் சிதறுவதில் இருந்து பாகிஸ்தானை உலகின் எந்த சக்தியாலும் காப்பாற்ற முடியாது என்றும் ராஜ்நாத் எச்சரித்தார்.

தீவிரவாதத்தை ஊக்குவிப்பதை நிறுத்தினால்தான் பாகிஸ்தானுடன் இந்தியா பேச்சுவார்த்தை நடத்தும் என்றும், அந்தப் பேச்சுவார்த்தை பாகிஸ்தான் ஆக்கிரமிப்பு காஷ்மீர் குறித்ததாகத்தான் இருக்கும் என்றும் அவர் குறிப்பிட்டார்.

370ஆவது சட்டப் பிரிவானது புற்றுநோய் போன்றது, அதனால் ஜம்மு-காஷ்மீர் ரத்தம் வடித்தது என்றும் அவர் கூறினார். ஜம்மு-காஷ்மீர் மாநில மக்களில் 4இல் 3 பங்கு பெரும்பான்மை மக்கள், 370ஆவது பிரிவு நீக்கத்தை ஆதரிப்பதாகவும் ராஜ்நாத் சிங் தெரிவித்தார்.