​​
Polimer News
Polimer News Tamil.
Advertisement
பெங்களூரில் ரூ.2500 கோடி மோசடி செய்த நிதி நிறுவனர் துபாயில் கைது

Published : Jul 19, 2019 8:06 AM



பெங்களூரில் ரூ.2500 கோடி மோசடி செய்த நிதி நிறுவனர் துபாயில் கைது

Jul 19, 2019 8:06 AM

மோசடியான முதலீட்டுத் திட்டத்தின் மூலம், முதலீட்டாளர்களிடமிருந்து 2 ஆயிரத்து 500 கோடி ரூபாயை சுருட்டிய ஐஎம்ஏ நிதி நிறுவன அதிபர்  மன்சூர்கான் கைது செய்யப்பட்டார்.

கர்நாடக மாநிலம் பெங்களூரில், ஐஎம்ஏ என்ற பெயரில் நிதி ஆலோசனை நிறுவனத்தை தொடங்கிய மன்சூர்கான், ஆயிரக்கணக்கானோரிடம் சிறுசிறு முதலீடுகளை பெற்றுள்ளார். வட்டியை தவிர்த்து, இஸ்லாமிய ஷரியத் சட்டங்களுக்கு இணக்கமான முறையில் முதலீடு செய்து பெரும் லாபம் ஈட்டித் தருவதாகக் கூறி ஆயிரக் கணக்கானோரிடம் பணத்தை வசூலித்துள்ளார்.

2 ஆயிரத்து 500 கோடி ரூபாய்க்கும் அதிகமான பணத்தை முதலீட்டாளர்களிடமிருந்து சுருட்டிக் கொண்டு, நிறுவனத்தை மூடிவிட்டு கடந்த ஜூனில் மன்சூர்கான் துபாய்க்கு தப்பிச் சென்றார்.

தற்கொலை செய்து கொள்ளப்போவதாக மிரட்டல் விடுக்கும் ஆடியோ கிளிப் ஒன்றை விட்டுச் சென்ற மன்சூர்கான், உடந்தையாக இருந்த அதிகாரிகளுக்கு 400 கோடி ரூபாய் அளவில் லஞ்சம் கொடுத்திருப்பதாகவும், கர்நாடக காங்கிரஸ் எம்எல்ஏ ரோசன் பெய்க்கிற்கு (Roshan Baig) தொடர்பு இருப்பதாகவும் குறிப்பிட்டிருந்தார்.

30 ஆயிரத்திற்கும் மேற்பட்ட முதலீட்டாளர்கள் அளித்த புகாரின் அடிப்படையில், கர்நாடக அரசு அமைத்த சிறப்பு புலனாய்வுக் குழு இந்த வழக்கை விசாரித்து வருகிறது. அமலாக்கத்துறையும் மன்சூர்கானுக்கு எதிராக பணமோசடி வழக்குப் பதிவு செய்தது.  இந்நிலையில், துபாயில் இருந்து நாடு திரும்பிய மன்சூர்கானை டெல்லி விமான நிலையத்தில் வைத்து அமலாக்கத்துறையினர் கைது செய்தனர்.